補習驅魔人

我見到眼前呢隻掙扎嘅女鬼

真係喊出黎

眼珠被挖出來 臉是白紙的顏色

嘴巴裂到了臉上 頭髮卻黑得可怖

然後 佢正





對住我以海豚音尖叫

你問我做乜拎到隻女鬼掙扎？

其實我一早嚇到瀨尿

不過 都要由今朝講起

我係一個萬世驚仰嘅醫科生





Year3 嘅我

靠個朵揾左唔少補習

今日有一份優差

補一個叫Ivan 嘅中學小朋友

八舊水一個中 真係羅湖都翻





雖則佢只係旺角

一行到佢樓下 見到橦舊到癡線嘅唐樓

去到佢門口 直頭嚇到有屎

佢道木門 貼住 黃 符

如果係你 你入唔入？

八舊水令我按門鈴

「咔」

開門嘅應該係媽咪





滿眼紅筋 神情恍惚

「歡迎你老師 我仔仔Ivan 係入面 等陣」

媽咪咁攰都為左仔仔

對我客客氣氣 令我好有幹勁！

但一入門口

通屋十字架 桃木劍 仲有白符 乜鬼野

之後 係Ivan 一個黑眼圈大到癡線





肩膀下沈 一副厭世樣子的孩子

「老師你唔使驚！啲嘢我地迷信擺下！唔係咩事！放心！」

咁...即管補下先

都無乜嘢 但Ivan 總係 呆下呆下

問非所答

同埋媽咪俾我杯水

水平面 自己係度震

總係 怪怪地





心理作用？ 因為通屋都係邪野？

好痛！ 咦

我張凳向後走 令我屎忽開花

我想鬧爆Ivan 但

佢 瞳孔擴張 露出極驚恐嘅表情

佢媽咪即刻衝過黎攬住佢

下一刻 我知道點解媽咪咁快手





因為

隔離 張玻璃面嘅木枱

違反物理定律 凌空咁飛過黎

「砰！」

我因為被枱撞到 成個人打側

鏟上Ivan 讀書嘅小枱

玻璃碎像碎掉彩虹

落到我身上卻令我劇痛萬分

𠝹傷了不少地方

我終於知道 點解會有八百蚊補習優差

可惜有啲遲 我眼前一片濛

只可見到一個白色殘影

下一秒

我俾個殘影 叉住頸

撻我係牆上面 腳離地

透唔到氣 頭好熱 開始連尖叫都做唔到

要死嗱？

我完全無印象 但

當時我應該隻手周圍抓 想

抓到一線生機

我隻右手 拍左落舊野

眼前一黑

每一寸皮膚都像有無數細針穿插

有種觸電感覺

同埋 我開始 睇得翻清楚

隻 鬼 用個眼洞 「望住我」

然後突然... 飄開？ 我無理由用行開呢兩隻字

因為佢對爛到發黑 筋都破皮嘅腳

係無掂地

我都因為無俾人叉頸

而跌翻落地 個屎忽就爛

但 戈隻野 係我兩米身距前飄下飄下

突然好似 好警戒咁

奇怪嘅係 Ivan 同佢媽 唔係望隻野

係望我 隻手

隻 拍住個木八卦 流曬血 嘅右手

呢一刻我係度諗

癡線 整隻咁嘅嘢

你見到Ivan 佢地咁驚

所謂路見不平

拔足狂奔啦 諗

契弟走得摩

但 我隻右手 死左係地下

陏都唔陏 但突然間 有把聲

「你隻手歸我啦，仲想陏」

呢鋪真係嚇到瀨屎

「望乜嘢 我係你個腦入面」

「唔想死就 聽我講」

「左腳向前！

避開左面！

右肩向後挪！」

我聽住指令

然後 將女鬼念力 掉過黎嘅

書 刀 避開曬

宜家我隻右手 不受控制地

叉住隻女鬼條頸

明明我隻手 同隻嘢仲有一米

但隻嘢好似俾千斤重壓住

不停有啲黑氣

掙扎 尖叫 刺耳程度好似拎紅館咪係你耳邊尖叫

「啱啱瞓醒 拎你開齋」

我發現 把聲 係我個腦入面

唉 大鑊呢補