［老人x懸疑x諷刺］我在老登討論區追尋外婆死去的真相: 選戰1.6

我回頭望向遠方自由人的位置，旁邊多了幾個蒙面人包圍他，難道是老人聯派人傷害我們？

［做咩撚野！］我吆喝道，引來街上好事之人的注意。

［無事無事！］幾位神秘人像聽到槍聲的獵物，四散逃竄。

［自己人啊！］自由人向我和他們招手，示意不用緊張。

［瘦條巴打？今日約左係到反老人聯？］其中一個矮瘦的四眼男生問道。





能把我的line登網名說出口，看來真的是自己人，連登果自然有愛。

［遲左小小，頭先係網上面搵你，你又冇回post。幾驚你fake我地。］巴打笑道。

+波C灣+
+瘦條巴打，我同幾個朋友到左啦。+

果真是波C灣巴打，可惜除了他以外便沒有其他巴打到場，但遲到總比沒到好。

［唔好意思，頭先太忙冇睇電話。］我微微一笑，以表善意。





［你同班巴打病左咩，做咩載口罩？］自由人衝口而出，不懂規矩。

我與一眾巴打多目交投，看著彼此的口罩會心微笑。人與人的距離不應太遠，亦不可太近，水至清則無魚。

我們分配工具，手執宣傳牌與banner,進佔火車站外的宣傳區，剛好與老人聯的義工同處一域。

不須說話只須眼神就足以為是日選戰增添殺氣。老人團隊的眼神就似是我們偷偷把他們的假髮與假牙拿走，毫不尊重他們老屁股的地位。

［反對老人聯，反對老人福利年年加，青年福利朝朝減！］我率先打響頭炮。





［投左老人聯，全家都痙攣！］

［老人聯！老人亂，亂港，亂家，亂我媽。］

［兄弟！比d聲氣黎！打倒老人聯，青年當道，青年萬歲！］我站在預先準備的摺椅上振臂高呼！以君臨天下的凌厲眼神衝向他們。

老人聯的義工被line登巴打的氣勢所嚇，有兩三分鐘的時間沒有回話，甚至連口號也講不出口。

只見剛才的老婆婆走進火車站，神色可疑地撥了一通電話，語間不時偷偷瞥看我們，不知籌謀什麼驚天大陰謀。

［好啦喎，宣傳就宣傳啦，你地唔好係到抹黑張保！］婆婆健步如飛走到波C灣巴打面前，中氣十足地指罵。

［阿婆，喂喂企開d啦！你有你拉票，我有我講野！張保都未出聲，你出咩撚野聲？］波C灣巴打反唇相譏。





［民主同盟恰阿婆啊！無天理啊！］婆婆呼天搶地，頓足捶胸。

［阿婆你做咩事啊，唔好屈得就屈！］波C灣步步進迫，阻止婆婆胡亂講話。

婆婆突然被鬼附身似地向後跌撞在地上，七情上面，大呼小叫。［求命啊，有人推我啊！］

想不到婆婆竟出此下策，冤枉好人。

［係呢到！影佢！影佢！］攝影師和幾個胸口前配戴工作證的記者連忙上前，圍著波C灣巴打。

［走啊！局黎架！］波C灣巴打叫道，伸開雙手阻止記者追趕我們。

［收皮啦老野，唔好係到扮野！記者朋友認住我！我先係受害者！還我公道。］

自由人拉著我離開，一眾巴打也隨之跟隨，說真的，我並不想離開，可是懦弱戰勝了幻想，我始終不敢留下，而且是跑得最快的一個。





逃竄時，我悄悄望向攝影機身的公司標誌，我便知道波C灣巴打大禍臨頭。

［屌那星，千算萬算都算唔到班老野玩到咁大。］自由人於超級市場內停了步。

［班老野最叻於係鏡頭面前扮野，鏡頭敏感度一百分，仲好戲過tbb姐仔。］

［大佬，你個比喻好小小得唔得？求其係街搵個阿嫂都好戲過佢地啦。］巴打話音帶有嘲弄之意。

［難為你仲有心情講笑......波C灣巴打就咁為我地犧牲左......］我深感自責，作為活動召集人，我不能令每個巴打安全回家。

［喂！仆街啦波C灣巴打比差佬拉左！］巴打指著商場電視驚訝叫道。

雖然這樣說有點事後孔明，但巴打被扣捕是意料中事，老人聯豈會放過這個大造文章的機會？





［捍衛香港！打倒老人聯！］波C灣巴打於鏡頭前叫囂。

［今早十時，據報民主同盟支持者於沙田火車站外涉嫌襲擊老人聯義工，警方接報後到現場拘捕懷疑涉案男子。］

［民主同盟主席召開記者會回應事件。］

［各位，對於今日既暴力事件，我地民主同盟予以強烈譴責，對受傷既義工致以最真誠既慰問。在此，我地必須澄清涉案人士與民主同盟無關，我地絕對贊成警方既迅速行動，為和理非非既社會出一分力。］民主同盟主席楊國宇誠心說道。

那種真誠使人發寒，我寧願他在鏡頭前虛情假意，但從他的表情與肢體動作看來，楊國宇真的不願意與波C灣巴打牽上關係。

［條仆街使唔使割得咁快。］自由人輕輕搖頭，嘆了口氣。

［一早就知道兩班人都唔係好野，係諗唔到割得咁快......］我無奈地凝視著電影，看不清香港的未來。

除了自己，香港是否無人值得信賴？





不。我連自己也不相信，我的直覺告訴我含淚投票，最後換來的卻是無情的割席。

不期望他們為我們說好話，但最起碼不要落井下石。
*************************************