［老人x懸疑x諷刺］我在老登討論區追尋外婆死去的真相: 選戰1.1

［老張，星期六場選舉準備成點？］李一心燃點雪茄，神態自若。

［我老張辦事你放心，想當年爛鬼老廉成立果時，個個手足都著草，係得我一個夠吉士留係到，事實證明我係岩既。］張強露出勝利的神情，嘴色泛起一絲輕蔑的微笑。

［老張......］李一心眉心輕輕一夾，眼神有點疑惑。

［你拿我定啦，我食大茶飯果時，對面班友一半係精蟲另一半係卯，依家唔精又反而做左一粒懵卯。］張強眉飛色舞，手舞足蹈，越說越輕奮。

李一心沒有回話，輕輕搖頭，呼出一個接一個煙圈，閉上眼睛，沉默了半頃。





［你同我收嗲啦，我唔係街邊的靚仔，又唔撚係你個仔，你同我講咁多野托柒咩。我係問你依家搞成點啊，你係唔係腦退化聽唔明？］李一心一怒之下大力拍案，嘴角噴出不規則的煙圈。

［......對唔住李生。你放心，投票前一晚會有人放掌心雷比老人院班老友記，投票果日已經安排好大巴接送，投完再車佢地去飲茶，幫佢地盡公民義務，保證老廉都鋤唔入。］張強稍稍收斂，不再胡亂說話。

［Ok,你班手下信唔信得過？］李一心把雪茄摁滅於煙灰缸。

［放心，全部都係老友記黎，大家向錢看，絕對信得過。］

［錢，我地大把。我話你知，最緊要好好睇睇，唔好出事。］李一心神情回復輕鬆，與其說是輕鬆，倒不如說是勝券在握，萬無一失。





［明白，包係我身上。］

［仲有以防萬一，你叫定d老友記隨時苦肉計，唔要老人院果d神智不清，我要既係正正常常對答如流。］

［Easy la 好似我咁精靈。］

［但千奇唔好似你咁撚多嗲。少說話多做事，黨唔會忘記你既貢獻。］李一心拍拍張強的肩膊，就似是領導人對幹部的加持。

［事成之後......］張強如默書一百分的小朋友，期待父母等價交換的禮物。





［只要政策出到台，我地就大把水cap,到時唔會少左你果份，保證呢4年長做長有。］李一心把玩胸口的黃金懷錶，露出貪婪的笑容。

4年前區議會選戰前夕，一段香港知名商人與老人院院長的枱底交易片段於連登曝光，一日後搶貼各大新聞頭版。

沒有人知道影片的來源，更沒有人知道發佈者從什麼途徑得到影片，總之最後廉政公署成功向二人定罪。

*************************************