看不到的愛: 第一章:哇件事咁快完嘅?導演回帶!!!

「呯!」之前仲有殺車聲。

引起咗好多花生友前來觀看。

冇幾耐，救護車同新聞採訪隊隨即趕到。

「一名男子醉駕撞向行人路，一位路過的女高中生證實死亡....」

「京花呀!醒下呀…對唔住呀...你醒下啦」一名韓國籍青年係女高中生旁邊大哭





哇件事咁快完嘅...導演回帶!!!

안년하세요大家好我就係李京花，我就係比車撞死果個女高中生。我個身份有啲特殊，以前係學生，依家呢…係女鬼一隻。而係我側邊爆喊果位...就係我男朋友金熙秀。

講真啊，我死咗咪仲開心...點解咁講?咁就要由我細細個開始講起啦。
我11歲果陣，爸爸因為急性肺炎所以離開咗人世。我見到我呀媽係葬禮度喊到七彩，見到我3歲嘅細佬坐係一邊發呆，見到其他親戚安慰我年邁嘅爺爺嫲嫲。呢個時候，我決定要代替老豆個位，照顧好頭家!
自問我自己成績都唔算差，係逼出嚟嘅。小一嘅時候，屋企人已經逼我讀熟四書五經，背熟乘數表，每晚睇一本英文書。恰眼訓嘅話....藤條侍候! 基本上我嘅小學生活就係咁過，冇乜朋友。呀媽話咁樣先係小學生， 我嗰陣時乜都唔識咁就唯有「聽媽由命」啦。每一年我都係攞第一名，我喺台上面聽到台下嘅掌聲，聽聽下都幾開心，緊係啦，第一嘅背後你又知啲咩呀？我嘅背後真係辛酸啦!一條，兩條...總之起碼用一個月先數得晒啦。就係咁，我嘅小學生活好快就結束咗。

讀初中之前嘅暑假，我地成家去咗釜山旅行。行行下南浦洞嘅時候，呀爸突然暈低咗，入咗醫院睇急症。





「唔好意思家屬請係門口外面等等。」護士都好唔耐返講返同電視劇見常聽到嘅一句話。
紅燈熄滅，見到擔架上高有塊白色嘅布。

「我地盡咗力架啦！」醫生講

「醫生你係咪冇稿呀？我老公暈咗啫！」好熟喎呢句，我都有睇香港電視台架!

之後醫生好凝重咁講咗句「你老公有肺炎你唔知咩?」

「吓...你有稿嘅醫生?」呀媽嘅語氣都變得好凝重





冇幾耐，呀爸嘅葬禮就係我初中開學日之後搞。

呀爸走咗，成家嘅希望擺咗喺我同我細佬身上...

「京花呀，呀媽我呢得間魚檔仔，賺得唔係好多，所以你要讀好啲書，第日入首爾大學，最後搵份好工，照顧我同你細佬。呢個任務，就交比你啦」呀媽自從講完呢句就冇再用藤條打過我。

我入咗間算係區內嘅重點學校啦，咁就三年。初中生活唔算辛苦，我喺入面都識到好多朋友，其中一個同我最老友嘅，叫做朴度希，平時我地一齊返學，一齊溫書，一齊放學，有時候仲一齊去對方屋企煮下飯仔咁，係幾開心嘅。呀媽唔介意有朋友上我屋企，仲話，只要我日日keep住讀(書)，鹹魚都變成首....(有聲)。 咁又係，我嗰陣時真係晚晚同佢一齊溫書，互補不足。 佢幫我補數學，我幫佢補韓文。真係幾開心下。
咁就三年啦…

「你個衰女包，點解你咁早死架!」我呀媽趕到現場，call我返肉體，但係我真係返唔到， 我見住我嘅肉體畀人抬上擔架 ，之後送去醫院。
我宜家都要跟住去醫院睇下咩事.....

高中啲事，第日再講啦