《咁我俾你揸，你揸唔揸？》: 16. 尾行

喺一齊嘅妥善安排下，日抖就喺Delifrance度返PT，夜晚就喺大家姐屋企暫時做住隻看門狗。

某日，凱倫休息之際，就出咗去尖沙咀海皮度吹風，喺鬼死咁多人嘅尖沙咀，卻有個殺機潛伏住等緊佢。
「啊～～～～～」凱倫邊伸懶腰邊呻吟著，「嗨，你好似好攰咁啵，係咪咪書咪到痴線，走嚟呢到吹吓海風呢？我都係啊！」突然有個女仔行埋嚟搭訕，「嗯？啊…係啊，你form幾啊？我f.4，哈哈。」，「我都係f.4啊」，「喔…你住呢頭附近㗎？」，「唔係啊，我住黃大仙下邨，你呢？」，「黃大仙？走嚟咁鬼遠嘅海皮？我住圓方附近，哈哈。」，「咁即係九龍站附近啦，你嘛又係遠。」，「哈哈！」，大家都無奈笑笑。「係呢，我叫黃思羽，你點稱呼啊？」，「我叫莊凱倫，思羽，幾好聽啵～」，「嘻嘻，Thank you，凱倫，不如我哋交換電話囉。」，「OK啊。」，說畢，就各自返歸，而凱倫就打算喺尖沙咀行去八文樓食嘢。

行啊行，行啊行，行到高鐵地盤外，正當要上天橋，感覺到有人跟住佢：「唔好理佢，繼續行，去到人多嘅地方佢就會走。」，佢一邊安撫住自己，一邊扮鎮定咁繼續去八文樓進發，但後面嘅人卻鎮定地預備掹出把M9，一步一步靠近凱倫。


喺就到凱倫想去食嘅餐廳之際，遠眺見到嗰2條差佬，諗咗諗，打比其中1條友，眼見其中1條友接聽後，就突然感到有救：「喂，啊強，你哋係咪喺八文樓等緊我啊？」，「喂靚仔，你係咪打錯電話啊，我係陳SIR啊。」，「哦，你同文記都嚟咗啊？係呢，你哋由屯門出城有冇帶你哋2隻雞嚟啊？」，「屌你啊，你係咪悶撚到痴線打嚟玩尻我啊？等單case完咗，我整餐勁嘅你嘆。」，「邊Q個打嚟啊？」，「嘛紅姐條靚囉。」，「吓？」，「喂，啊強，你比啊文聽啦，太耐冇見，吹陣水先。」，「吓？佢應該係話搵你。」，「搵我？」，「佢話我叫啊強，仲有個啊文，咁應該係你呱…」，「喂，我係葉SIR，你玩尻陳SIR托杉啊？」，「啊，啊文，好耐冇見啦，把聲都好耐冇聽過啦，係呢，頭先問啊強，佢又唔撚應我，你哋喺屯門出嚟有冇帶隻走地雞出嚟啊？」，「吓，走地雞？我哋的確啱啱喺屯門出嚟，但邊撚有走地雞啊，禁止私養好耐啦。」，「喂，你唔係同佢癲埋一份啊？」，「咩啊，你哋嗰鼠明明就有好多隻雞，而且黑雞，隻隻生到7字咁款，有就準備比我睇啦！」，「吓？黑雞？7字？」說畢，葉SIR諗咗諗，自言自語：「7字形黑雞？」，「吓？乜雞有7字形咩？」陳SIR疑惑咁問，「喂，陳仔，頭先佢問我哋喺邊嚟話？」，「屯門囉，條蛋散係咪以為屯門係農地啊？」，「無錯，我哋喺屯門差館嚟，亦啱啱先嚟到八文呢鼠食飯，佢點知我哋喺度㗎？」，「嗯，係喎，我哋嘅行程冇人知㗎喎。」，「莫非…」，「佢喺我哋附近。」2人異口同聲地說。「啊，條仆街啊，睇住我哋嚟玩，比我見到，佢就知死。又雞又7，唔9撚答8。」，「嗯…黑7雞，雞………………屯門差館………………」，「黑色雞，又7字形，嘛槍囉，你2條友陀咁耐槍都唔撚知自己陀住枝黑7雞？」店員嘲笑咁講，「係啵，槍啊，喂，陳仔，掹定枝雞，小心有危險，你call比總台搵支援。」，「嗯？收…收到。」，喺對話完之際就見到凱倫喺遠處嘅天橋落緊樓梯，然後有條友鬼祟咁釣住佢尾，衫袋又好似有D嘢，隨即提早行去附近嘅草叢，暗中監視住凱倫同身後嘅神秘人。





正當凱倫同陳SIR四目交投之際，葉SIR兜過草叢去伏擊條神秘人，大聲呼叫：「咪郁，警察。」，凱倫一聽到葉SIR把低沉聲後，立即向住陳SIR身後嘅餐廳避難，陳SIR亦都立即舉高手槍，指住神秘人，並命令神秘人：「你依加慢慢伸手出嚟，舉高雙手放喺頭後。」，並且直到支援到場。

3分鐘後，支援到場。隨即進行搜身，發現一本委內瑞拉簽發嘅護照同一把M9軍刀，一掀開笠住頭嘅連衫帽，陳SIR大呼一聲：「Bingo！」，原來係嗰位通輯犯，其後將佢逮捕返警總。

如此一嚟，凱倫終於可以回歸大自然，唔使再過D擔驚受怕嘅日子。