《咁我俾你揸，你揸唔揸？》: 11. Halloween

經過咗一日嘅happy day，終於返番學校，正當凱倫要離開學校返PT之際，達龍隨即拉住凱倫。

「凱倫，嚟緊嘅Halloween一齊去OP玩啦。」，「OP？你請，我就去。」講完就另轉身走人，但又比達龍拉住：「但童童會去啵，你總唔會比佢做我同我嘅敏敏豬嘅電燈膽呱？」，「OK，我去。」，「嘻嘻，咁就好啦！」，達龍就跟手搭住凱倫去愉景新城，各自去返自己嘅PT。

喺凱倫收工之際，手機嘅SMS釣聲響起，原來係童童Send嚟嘅。
11:50PM 聽肥豬敏講，後日你會同我哋去OP嘅Halloween玩喎。
11:50PM 係啊，聽講話你會去，所以我先去。
11:51PM 嘻嘻，咁就好啦，有你陪我就有得玩鬼屋啦。
11:52PM 放心，我會陪住你玩，唔會中途走咗去嘅。
11:52PM 我知道你唔係咁嘅人，so，我相信你，嘻嘻。




11:52PM 嘻嘻
11:53PM 你做咩淨係打2個字啊，唔好亂嘥錢啦，好冇？
11:54PM OK
11:54PM 你又嚟啦，唔好再sd啦，後日我哋見面先講啦，成日亂咁嘥錢！
11:55PM OKOK，good night！唔使write back啦！^皿^
童童原先以為凱倫真係唔會再sd sms比佢，但喺收到凱倫同佢講good night之際又感到好開心，不過亦擔心凱倫會經常性唔覺意嘥D SMS錢而感到不安；而凱倫喺同童童SMS完後，就上車返歸了。

31/10

由於今日係Halloween，即使喺傍晚時分都仍然好多人喺金鐘總站度排隊等629，而喺凱倫同達龍等待藹敏同童童之際，各式各樣神仙鬼怪、英雄與反派、都市傳奇嘅生物，甚至有定春同喬巴陪住2兩人喺巴士站。





「Sorry啊，凱倫！最衰肥豬敏出到門口先嚟話唔記得帶張飛，搞到又要返去再攞。」，「對唔住啊，最衰我大頭蝦，你哋肯定等咗好耐…QAQ」，「冇事，我哋都係2、3分鐘前到咋，而且仲有大把時間玩，唔使咁急嘅！^^」凱倫安撫住遲到嘅2人，「係囉，我哋都係啱啱到咋，就算唔係藹敏你唔記得咗帶張飛出嚟，遲到嘅都係我哋2個呢！」，但其實凱倫佢哋2人已經等咗成個半鐘…「好啦，上車啦！」，藹敏同童童異口同聲地：「Yeah！」。

****21:00 有甜