《咁我俾你揸，你揸唔揸？》: 8. 興奮

「童童，嚟緊嘅中秋，去邊玩好啊？」藹敏問道，「去黃金BBQ囉？」映童疑問著，「不如去隱世山莊啊，既有K唱，又有牌打。」，「你都幾想去嗰個乜嘢隱世山莊㗎喎。」凱倫㖿喻著達龍，「乜你好想去隱世山莊咩？」映童問著，「佢就緊係想去啦，正話斟緊繽紛歡樂節去邊玩嗰陣就已經同全班suggest過，仲話係有次上網唔覺意見到有咁嘅地方~喎。」凱倫繼續㖿喻達龍，引起映童同藹敏大笑「咁一係去隱世山莊玩吓囉，反正我哋又未去過，見識吓都好吖。」藹敏agree達龍嘅idea，然後映童就問凱倫「凱倫，你都同我哋一齊玩啦，多個人多D歡樂嘛，嘻嘻！」，「佢咁市儈，點會去玩吖」，「你就市儈，我去。」，「好耶，咁達龍負責plan啦」映童指揮著說，「點解要我plan？」，「咁係你提出嚟吖嘛，而且凱倫仲抱傷再身，唔係要佢操勞吓話？加上我哋2個女仔邊識book位喎。」藹敏頭頭是道說著，而達龍就只好默認接受呢份差事了。

「叮叮叮叮叮」話咁快又過咗lunch time

「點名先……好喇，正話隔離C班miss Leung同我哋提議，話我哋B班同C班一齊去綠田園BBQ，主席出嚟投票。」B班正班主任miss Chu說道。

「咦！咁你嘛又可以同凱倫一齊囉？唔錯啵。」藹敏㖿喻著映童，而映童頓時紅都面埋「咩啊？你嘛又可以同達龍喺埋一齊。」，「我做咩要同佢一齊喎，我做你哋嘅電燈膽唔好咩，哈哈。」，「唔同你講嘢啦，死肥豬藹敏。」，「但係我要同你講嘢喎，死肥豬童童。」

「其實同佢一齊BBQ都好啊，又有機會一齊玩。」映童口心不一兼心跳加速地喺心裡自言自語。