《咁我俾你揸，你揸唔揸？》: 5. 牛眼事件 1

「好啦，嚟齊啦嘛？OK，你哋劏牛眼時，記得用十字法咁介落牛眼塊眼角膜，然後再用鑷子輕輕將晶狀體夾出嚟。知道嗎？」，「知道啦！」大家異口同聲地回應miss Ling。

「喂，你有冇聽書㗎，叫咗用十字法劏。miss Ling，條友都唔係路嘅。」李社安不滿地搵miss幫拖。

「凱倫嘅方法都可以啊，不過通常容喺醫療上，只係我為咗令你哋簡單去劏牛眼，先叫你哋用十字法，凱倫冇錯到啊，唔錯，你係咪打算學醫㗎？」，「唔係，我只係想做個社工。」，「社工都唔…」miss Ling話口未完，李社安趁凱倫鬆懈之際，搶過把解剖刀：「你讀社工就咪撚讀biology啦，Repeat仔，阻撚住晒。」，「你夠啦，miss都話冇錯，你仲要嘈乜嘢啊？」映童加入埋幫口之列，「你果然係on9中嘅on9，我讀咩，關你撚事啊？再者，牛眼係我自己出錢買嘅，我想點劏就點劏，你理撚得我啊！至於把刀係學校嘅，即代表共用，而我依加要劏牛眼，比返把刀我。」，「比你老母，死人Repeat仔，成績衰到貼晒地就咪撚學人讀biology啦，屌。」，「唉，好話喇，你係用中3嘅biology嚟比吖嘛。好，我聽聞你條on9仔考得嗰60分咋喎，我中3嘅biology有99分，而差嗰一分係串錯咗個英文Only，唔信可以問miss Ling，反正當時係佢教，卷又係佢改。」，miss Ling點頭承認凱倫的確優秀過李社安，但呢點彷彿令李社安感到憤怒，「羅映童，林超園，退後D」凱倫感到有D不妙，隨即叫其他組員退後，為防傷及無辜。殊不知，李社安突然拎把解剖刀向住凱倫捅過去，幸好凱倫之前喺Air Cadet時練過空手道同自衛術，之後將李社安按住喺其他組嘅枱上，不斷fing低佢手上嘅刀，直至把刀跌落地面。

「我唔知你為乜而憎我，我亦未曾做出一D令你會憎我嘅事，btw，劏牛眼一事，我係認真去劏，喺暑假期間，睇怕你呢條ON9仔都係以玩為先，而我唔係，我為咗chemistry去背晒成個元素表，為咗biology，我不斷喺YT睇關於台灣中學生物堂所做嘅實驗同一D醫療嘅錄影，先得出我點解要用自己方法去劏。」，「你冷靜嗱話？我慢慢放手，你冷靜啊…」喺凱倫話口未完之際，李社安突然轉身，將左拳直接窩落凱倫身上，直接令凱倫跌坐喺地板上，而其他高大嘅男同學隨即捉住李社安，唔比佢再對凱倫作出攻擊。

而miss Ling見狀，隨即叫男科長扶住凱倫去醫療室兼社工室，但凱倫為防比社工炮轟，於是就提議去圖書館逗留，「miss，我都幫手。」映童為咗自己講嗰句嘢嘅責任，去扶凱倫去圖書館。