【愛情/輕甜】☺我的鄰家女孩☹: 九、〈 日常 〉

九、〈  日常 〉
 
-------------------------------------------------

雪瑩
online
--Hi 23:16
點解你會有我電話23:16… 23:16


你識嘅雪瑩已經死左 23:20
唔好再搵我 23:20 
 -------------------------------------------------
 
 
我不斷重複又重複咁開whatsapp
 
成個傻仔咁望住個單灰tick
 


「應該係話佢仲係唔比人接近自己，一定會同其他人保持一段距離…」
 
雪瑩阿媽好似講過呢句野
 
不過呢個距離會唔會保持得遠左少少..
 
對佢黎講我應該只係一個舊朋友?
 
應該唔需要咁做啊?
 


真係睇唔透女人
 
 
「喂，軒哥! 聽日一唔一齊啊?」食緊飯嘅阿峰突然問我。
 
「吓?」睇緊whatsapp嘅我一面茫然。
 
「我地講緊聽日餐飯啊。」阿朗提我。
 
「黎…梗黎架，話曬咁齊人。」
 
「阿Nick同佢班frd都好似會黎。」
 
「唉，唔通唔去咩。」
 


「佢地全部都有女，明明我咁英俊又瀟灑，公平咩。」阿楓又顛喇，人如其名，「楓」人瘋語.。
 
「人地又上莊又打波，你俊? 邊撚度俊啊?」阿朗潤佢。
 
「喂，原來得翻3個字，走喇!」
 
唉，今日又放4半
 
幾時先sem尾啊…
 
 
--
02:30PM
 
街角嘅一間寵物店


 
招牌上面括住「寵物美容」四隻字
 
不時都有路人停低，對住櫥窗嘅貓狗影相或者揮手
 
鈴鈴…
 
「哈囉! 又見到你喇，小白你D毛長左好多喔!」一個笑容甜美、嬌小可愛嘅小女生輕撫面前的白毛松鼠狗。
 
「Hi，今次黎都係想好似平時咁，沖涼加全手剪，唔該。」松鼠狗嘅男主人要求。
 
小女生從男主人嘅手接過小白。
 
「好啊冇問題，阿瑩! 過黎幫手帶小白去沖涼!你等等下，可以睇下有咩需要喔!」小女生依舊以佢可愛嘅笑容純熟地回應眼前嘅客人。
 


「嗯，係呢，你叫咩名啊?」男主人問道。
 
「啊，你可以叫我晴晴架，基本上我日日都會係度，係呢間鋪做全職嘅，我過去先喇!」小女生揮揮手就轉身去店內寵物專用嘅沖涼房。
 
「嗯」男主人都輕輕揮手回應小女生，面上戴著滿足嘅笑意。
 
 
 
「晴晴，個男人同你講咩啊?」
 
「嗯?冇啊，問我叫咩名囉!」晴晴好專注開花灑幫小白沖涼。
 
「佢望住你個眼神好明顯有野喔…呢排我成日都見到佢係門口扮睇狗，係你唔覺炸…」
 
「你認錯人啊…點會啊…」


 
「我肯定佢想追你!」阿瑩用好肯定嘅語氣講。
 
「你又知?你話你冇拍過拖架，莫非你呃我?」晴晴用個奸樣望住阿瑩。
 
「我冇呃你，我係冇拍過拖，不過條友明顯到咁，有冇拍拖都睇得出啦!」
 
「汪!汪汪!」
 
「小白都話係啊!」阿瑩微微笑住咁講。
 
哎~ 晴晴真係受歡迎
 
幾個月之前先有個運動型男仔日日打完波停係寵物店出面，仲等埋收工添
 
個傻妹成日都話要自己開間寵物美容鋪，所以唔想拍拖，要努力賺錢
 
夢想…
 
有夢想支撐嘅人特別好似發曬光咁
 
明明晴晴大我兩年，其實有時真係想話下佢天真架
 
不過，都係好事黎嘅
 
世界就係要有佢呢種人，同我呢種人先會平衡
 
有光必定有暗
 
夢想啊…
 
對我黎講太不切實際
 
應該話我唔配有呢樣野
 
 
叮!
 
Instagram
-------------------------------------------------
 

約? Plan?
 
-------------------------------------------------
 
呢邊先係我生存嘅世界。