【校園】《死局：選擇》: 7

每一天開始的第一課，書術——中國書法

同學們從布袋中拿出校園指定工具——文房四寶
 
紙：白色宣紙。
 
筆：竹子製成的筆管，配上羊毫造成的筆尖。
 
墨：由桐油、麻油、菜油燒成的菸灰而製成。
 




硯：用普通石頭打造的硯台。
 
「無言的詩，無行的舞，無圖的畫，無聲的樂⋯⋯係中國書法嘅獨特之處，係不可或缺而極具修心養性嘅一藝。」
 
同學們整齊擺放文房四寶，然後開始——研墨
 
研墨，墨色要深黑而有光澤。
 
首先，倒入適量清水在平坦的硯面上。
 




然後，握墨條時，食指放在墨條的頂端，拇指和中指夾在墨條的兩側。
 
接著，推磨的力道要剛中帶柔、力度均勻，速度要慢而不快，細潤無聲。
 
最後，將磨成的墨汁推入硯池，反覆推磨，直至足夠。
 
「研墨嘅過程係需要時間同耐性，呢個過程係醞釀心靈嘅一刻，讓身心充滿應有嘅情緒，準備進入寫書法嘅階段。」
 
一片寂靜的課室，只有訓導老師的腳步聲及講課聲。
 




「書為心畫。書法當中嘅筆墨線條，每一點、每一橫、每一撇、每一豎、每一鉤，都係表現出書者情緒。唔同嘅字都以唔同嘅心去執筆。」
 
片刻，學生們同一時間磨好墨。
 
「我已經準備好三個題比大家！」
 
「獨霸之地，尊者為天」
 
「大家無時無刻都要記得獨尊帝王對大家嘅恩賜，執筆時要存尊敬、感恩嘅心，亦要有驕傲自豪嘅心，因為你地慶幸能夠成為獨尊一族，你地嘅生命始於獨尊，亦要終於獨尊。」
 
學生們開始提筆書寫。
 
書寫要站穩馬步，手要穩定，果斷執筆。「呼⋯⋯」我看一看自己的字，看來兩年間都沒有進步。
 
「死、亡」訓導老師講出下一個題。




 
「要謹記，賜死予敵、為亡予帝。」
 
「前者執筆時要寄滿殺氣、仇恨、憤怒，在戰場上只有殺敵片甲不留，替獨尊帝王賜予佢地死亡。」
「後者執筆時要準備無畏、無私、犧牲嘅心，在戰場上只要獻上身體，隨時為獨尊帝王榮譽而死亡。」
 
死亡，給對方恥辱，給己方榮耀。
 
我擦一擦自己額頭上的汗。最疲倦的不是身體，而是心靈。
 
「最後，大家要寫嘅係『十誡』。」
 
「十誡」凌駕於校規，內容如下：
 
「一、崇拜獨尊」




「二、禁止製造偶像與崇拜偶像」
「三、禁止褻瀆獨尊」
「四、禁止私藏任何爆炸性及攻擊性武器」
「五、禁止散播謠言」
「六、禁止私鬥」
「七、禁止戀愛」
「八、禁止偷竊劫搶」
「九、禁止謊言」
「十、禁止違返校規」 

「十誡」與「校規」最大的分別在於「十誡」是由獨尊本人所下，全校老師、學生都需要遵守。而「校規」是由校長制定，對象是全校學生。
 
面對繁多複雜的題，我的手開始酸軟，速度開始漸慢。
 
班上的大部分學生都出現同一問題。




 
難道是測試前的重度訓練？若果是的話，這一星期必定相當難捱。
 
在我旁邊的韓展翔書寫速度並沒有減慢，仍舊泰若自然。
 
他寫的字深深吸引著我，細膩如畫的字，亂中有序的格式。寫字行運如流水般。
 
我呆呆的望著，他似感覺到被注視，便抬頭望向我。
 
「嘻⋯⋯」韓展翔低頭繼續寫：「係咪好奇想知點解我可以寫到咁靚呢？」
 
我不自覺地點了頭。
 
「咁你知唔知你地書寫時錯左咩？」
 




「錯？⋯⋯執筆的字勢？⋯⋯力度？」
 
「錯！係你地嘅心態。」他望著我，手指指著自己的腦：「先入為主，蒙蔽咗你地嘅思想。」
 
「吓？」
 
「書法係表現出書者情感的傾訴，心性嘅抒發。書寫時應該心無雜念，心如止水，隨心而寫。」
 
「姐係？老師講嘅係錯？」
 
他並沒有回答我這個問題，一笑置之。
 
然後低頭繼續書寫，卻像在自言自語，又像在告訴我：「每個書寫者嘅執筆、運筆、點畫、審美、結構、章法嘅處理都有著千差萬別，呢個亦都係漢字書法嘅獨特之處⋯⋯人理應都係咁先啱。」
 
「吓？」聽得我一頭霧水。
 
「兩位同學，書寫期間要安靜呀！嘻嘻⋯⋯」訓導老師突然在身後伸頭在我與韓展翔之間，然後用軟鞭箍起我倆，再拖我倆出課室。
 
我與韓展翔趴在地上，訓導老師站著問道：「你地想做二百下掌上壓，定扣五學分呀？」
 
我望著老師，再望一望韓展翔，他竟然還笑著。
 
訓導老師蹲下邪笑：「答案係你地無得揀，兩樣都要。嘻嘻⋯⋯」
 
「係⋯⋯係嘅⋯⋯老師。」
 
「咁仲唔快啲做？」
 
我立刻翻過身，開始做掌上壓。
 
然而，韓展翔不為所動，笑著凝視訓導老師。
 
「有問題？！」訓導老師動一動軟鞭。
 
韓展翔才翻身開始。
 
「一！二！三！」
 
訓導老師用軟鞭鞭打我背部：「唔記得書法堂要安靜？！」
 
就這樣，今天第三百下掌上壓。