《沉迷你, 至知大局已定...》: 1.1 同班

(1) 依林

“咇…凌晨兩點半…” DJ的報時訊號響起。
 
我眼見FYP(Final Year Project)完成了七七八八, 不如休息一下。一邊整理自己的論文, 一邊打呵欠。突然, 電話鈴聲響起,
“沉迷你, 至知大局已定...原本應該一早戒了...”。原來是她。
 
“HI…”她說。
“做咩咁夜都未訓?”我溫柔地回答她。
“我下個月要飛啦…要去美國交流, 你會唔會送我機?”她回答。




“梗係會啦…我地係好朋友, 點會唔送?”我微笑回答。
“你真是好! 我男朋友果日有份Part-Time, 又陪我唔到! 如果你係我男友, 你話幾好呢?”
“噢…”我輕描淡寫的回應一下。
之後, 都是那些無謂的問候語和分享一下生活的點點滴滴...
這把聲音彷佛有點陌生, 但又有點熟悉。
“好啦! 夜啦, 你快D訓覺啦…”她興奮的說。
“Bye…”
 
這段對話, 讓我回想中三那時的暗戀。
 




我的名字叫馮仔, 而她就是那時的女神 ﹣依林。
我是一隻蛤蟆, 而她是一隻天鵝。
我是一個凡人, 而她是一個天使。
這個就是我和她的故事。
 
“馮仔…起身! 請回答這條問題! ”教數學的陳老師問道。
“下…哦! ”我死氣沉沉的在黑板上寫上答案, 而她就專心的抄下一行又一行的步驟。
 
當我寫完了, 陳老師滿有霸氣大聲說: “答…對了!”
我沒有被成功充薰了頭腦, 一步一步回到女神的旁邊。她一邊聽著老師講解我的題解, 一邊向我這毒男望了幾望。對我來說, 自己的女神竟然望向自己, 這比做對一百題更開心。她再補上一句: “你可唔可以教我啊? 我這個地方不太明白。”




 
我抑壓自己的獸性, 保持冷靜, 一題一題回答她。如果用現在的術語, 我想應該是“厹”。 
我逐一打量她, 長長的秀髮, 白滑的肌膚, 幼小的雙腿。
 
“鈴…”下課的鐘聲響起。每個人都從夢中醒過來, 唯獨我還細細地打量她。
 
“喂…馮仔! 你唔舒服啊? 做咩呆左啊? ”依林問道。
“噢! 沒事沒事…只是尋晚太夜訓! 過兩堂無事啦…”我滿面通紅的回答。
“今日的課題, 我很多不太明白! 你聽日可以到我家教我? ”
“哦, 無問題…”我傻笑道。


 
“妖, 係咪真架? ”阿俊問我。阿俊是我中二相識的朋友, 別名為多情浪子癡情客, 我有很多的感情疑難都是問他。
“珍珠都無咁真啊!  ”我自豪的回答。




“你唔好再fake我啦, 咁索既女會溝你呢D毒男? 發夢啦…”他大笑的說。
 
“你鍾唔鍾意佢啊? ”阿俊淫笑地說。
“你再亂講, 我真是一把車落去啦…”我憤怒了。

但是, 我說謊了。
我有少少喜歡她了。