被迫轉校仲要同女神同居？？【愛情】【校園】【武俠】: 第十一頁－海洋公園之日(上編)－第一季

同曉彤同居已經有個半月，回想返當初好采老豆要我搬出嚟，依家真係要我返去都唔返～

［whatsapp]
老豆：「喺嗰度住得慣唔慣？」
我：「OK呀」
老豆：「緊係OK啦有個女仔同你住」
我：「阿媽同你講咗？」
老豆：「前幾日食飯講嘅～」
我：「咁你覺得點？」
老豆：「只要唔踩過界 我就OK ～」




我：「唔」
老豆：「阿樂叔叔 個老婆喺海洋公園做 前牌拎咗兩張海洋公園飛 佢哋去唔到所以俾咗我 我又冇時間 俾你同個女仔去挽～」
我：「好呀」

我走去曉彤間房「曉彤 我老豆話比兩張海洋公園飛我哋去挽喎😲」姖拎住部手機睇緊紙言嘅故事「哦 好呀～咁幾時去呀？😁」「過兩日學校放教師發展日 嗰日去好冇？🤔」「好呀～😁」

過兩日
我地兩個晨早去食大圍大快樂活食早餐and等老豆嚟......過咗一陣，老豆到咗「hay 😃」曉彤：「uncle 你好呀😁」「仔 識貨喎～😏」一邊嘅曉彤面都紅埋...

過咗一陣，老豆：「挽得開心啲啦～」「bye～」





之後我同曉彤喺沙田搭170去，曉彤坐係窗口位「其實我係第一次搭咁路程長嘅巴士😌」「咁你之前係搭咩😲」「Daddy車我去囉～但我都只係係好細個嘅時候去過一次海洋公園😔」「佢唔俾你去咩？😲」「唔係 只不過係佢又冇時間 中學又冇朋友😔」佢嘅童年真係有啲可憐......

今日十月，係海洋公園一年一度嘅Halloween, 所以多咗10幾間，但因為曉彤非常非常少嚟，而我細個阿爸阿媽淨係帶去迪士尼，好少會嚟海洋公園，好似話因為嗰度係對佢哋充滿回憶嘅地方，所以鍾意去嗰度多個海洋公園......

「你點呀？😰」我暈緊車浪......「冇野 我頂到🤦🏻‍♂️」曉彤將我個頭放去姖右邊膊頭上「訓下會好啲㗎😊」我覺得我心跳加速緊......噗噗...噗噗...噗噗......

雖然暈車得好辛苦，但唔知點解好想呢程車可以耐啲，幸福嘅時光過得特別快，我哋已經到咗海洋公園，過咗嗰幾條馬路之後就去到海洋公園嘅門口。

因為我哋有飛嘅關係，我哋唔使排隊買飛，可能今日係平日，啲人要返工返學，而且係早晨，所以冇咩人，入到去都係小貓三幾隻。





先去【照妖宮殿】挽，入面係以西遊記為題嘅鬼屋，雖然我覺得冇咩,而曉彤有時都會嚇到之後走去我後面。

出到嚟之後我問姖「下一個去邊？🤔」「海洋奇觀😲」「好呀～」曉彤對上一次嚟仲好細個，嗰陣應該未有海洋奇觀，難怪咁有新鮮感。「喟 你行快啲啦」曉彤行到好快「睇魚啫嘛 街市咪有囉～🤨」當然呢句只係撩下姖挽「你都傻嘅 邊同㗎😑」「😂」

出咗海洋奇觀
「之前去...」「睇熊貓😆」「好～行啦～😌」去到奇珍館...曉彤指住瞓緊喺度嘅熊貓「喟 睇姖幾似你平時係屋企個樣😆」「唔係喎 同你一樣樣架喎😲」「哼 你笑我黑眼圈！😤」「同你一樣咁得意😊」「車 對個個女仔都係咁講嘅😏」「我都冇其他女性朋友嘅😂」「熊貓暉😛」可能因為呢度令姖好放鬆，冇咗平時嘅拘謹，咁樣嘅姖真係好可愛(雖然平時都係)「做咩我又多咗個名㗎😅🤣」