戰場上的考試奴隸

「番學等放學，放學飲可樂。」可惜我冇機會享受到咁開心嘅消閑活動，小息打鐘跟本就好似判我地死刑咁，俗語話：「吊頸都要抖氣。」但係我地唔會有li 個權利，每日過住被判無期徒刑的生活。每日都係枯燥無味，同學每日都會帶住個咩都冇嘅腦，等老師係黑板上面寫嘅筆記，將“概念“，”知識“亡命咁抄寫係筆記度，深似抄曬就會攞到高分，達到目標，就會實現到夢想。

有冇諗過其實目標係好遠大格，係好高好遠。雖然老師同我地講要定啲短期目標，咁樣會容易啲實現，有較多滿足嘅感。但係我地都好明白 定得咁短，係會令我地自滿，甚至自以爲是以為自己係成功人士啦。。。

「喂。。。喂。喂喂喂！」 「咩事啊，依家做緊人生大事啊，咪叫啦，應間會繼續溫書。」我答 「啊同學，你知唔知我係邊個？ 依家你係學校，做緊聆聽卷，點啊聽下綠袖子就咁好開心去搵周公啊？」
「弊！翻緊學，死啦死啦係miss Chow，猶如地獄修羅個個，今次實死冇生。」我閉著眼鏡，心諗 「呀！唔好意思Miss Chow，冇下次冇次」我抬起頭，嬉皮笑臉咁講
「應間做左份卷，去老師檯搵我！」佢好不屑咁望著我

「同學你做咩事？做卷都可以瞓着覺，你好夜瞓咩？係嘅話早啲瞓！唔好係上堂瞓。」miss Chow一路啤 一路講
「呃。。。」 「日日都俾幾份成吋厚 past paper我地 點做啊，仲有補習，補到8，9 點 邊個唔係晚晚都3-4點先瞓，唔好唔記得仲有功課！」





「個個嘅眼袋又深又黑，塊面青過張白紙啦，邊日唔係一打鐘就做past paper ，一做就做足一至九節，係咁重複再重複。」
「有學生跳樓就話人地受唔住壓力，唔夠道行，幾十萬嘅莘莘學子翻緊學，根本冇問題。」「冇問題？真係冇咩？ 定係你唔當係問題ja？」
li 嘅句突然係我個腦都浮起，好想衝口而出，但係我冇做到，仲覺得自己諗多左，係錯嘅

可能就係li個政策咁失敗嘅主因啦，因爲學生連自己嘅意見都唔發表得，個個就比人洗曬腦，一式一樣嘅思維模式，貼近標準答案嘅答題技巧

「你今日放學留低，操卷！」Miss Chow就好似古時嘅判官，讀出我嘅判刑
「鈴鈴鈴鈴。。。」落堂嘅放學鐘響起啦