[絕對無糖分]就係咁，我搬左入一幢充滿一樓一嘅唐樓: １２９　廁所相遇

一個想盡方法落黎香港嘅女人？但而家Ｄ香港人都想盡方法離開香港啦，佢地仲落黎做咩……

真係黑人問號。

不過如果連龍威哥同提子哥都話呢個女人我係玩唔起，而且頭先咁樣比佢夾硬拉入房，都係敬而遠之好過。

但如果好似佢地咁講的話，唔知幫襯薰衣草嘅賤輝應唔應負到佢呢？

嗱！我係用同事身份膽心佢咋！佢平時對我地咁雖然閪，但如果佢其他方面都衰的話，我怕佢又會搵我地Ｄ員工出氣……



入返房，我腦入面除左諗起果晚同ＶＩＶＩ及小雨過嘅一晚，另一方面就係諗起頭先嘅情境，其實，如果唔係我性無能的話，我頭先會唔會忍唔住同薰衣草發生關係呢？

係……我成日話唔可以對唔住女神，但係有時誘惑真係好大，而且，無何否應薰衣草外在同澧琳係同一ＴＹＰＥ，清純外表、黑頭髮、個樣得得意意咁、都係做雞……我意思係澧琳做ＫＦＣ，薰衣草做雞……

如果薰衣草唔係做呢行，會唔會好Ｄ呢……

咦！！！！！！！！

大鑊！！！！！！！



唔怪得龍威哥同提子哥叫我小心Ｄ啦，我真係估唔到剩係同佢有頭先少少互動，而家竟然成個腦都係佢。

唔通……佢落左我降頭！？

都係去沖返個凍水涼好Ｄ……等自己冷靜下。

就係我拎好晒衫去沖涼房沖涼嘅其間，我沖沖下聽到有人開門，我諗都係Ｄ同屋主入黎去廁所，呢度住屋都係男人，唔怕啦。

所以我有我沖，佢有佢去。



但係，點解咁奇怪嘅，我隔住個簾見到個人影係企定定向住我，而唔係向住個馬桶……無理由啊，男人開細應該對住個馬桶，而且就算開大，都係住上去，點會對住我呢邊？

「……邊個？」我問，然後我估唔到係一把女聲。

「你把聲咁熟嘅？」呢把女聲，我好記得係薰衣草！

我嚇到成個人彈起，然後話：「妳妳妳妳妳做咩係度？」

而薰衣草笑得好開心話：「我上黎搵龍威哥同借廁所囉，見個廁所門無鎖就入黎，哥哥仔，你興沖涼唔鎖門㗎，特登想人入黎睇你沖？」佢講完後，就好突然咁撥開左個簾。

「啊！！！！！！！！！！」大叫，無錯，係我大叫。

薰衣草望一望我後話：「咦？你未係頭先個靚仔？你住呢度㗎？」

我無理佢問咩，只係不停保護住我下體，不停叫：「出去啊！快Ｄ走啊！」



但係佢見到我咁，笑得仲大聲：「你咁大個男人，成個女人咁㗎。」佢講完後，就係我面前坐左係馬桶，仲除左自己條褲。

「妳、妳做咩啊！？」我問。

「開細囉，未見過女人去廁所咩？」佢問。

係！我係未試過見女人去廁所！我諗好多正常嘅男人都未見過女人去廁所啦！

但我而家都顧得上顧唔得下，都唔知遮眼好定遮下面好……「你擰住面就得啦，靚仔。」頂！呢個薰衣草識讀心㗎！？點解知我諗咩㗎。

我即刻轉左身，等到我聽到沖廁聲後，佢行近左係我耳邊講：「我去完尿尿嗱，你可以繼續沖涼嗱，蕉仔。」佢講完後就行出左沖涼房。

蕉仔？……等等！咩野蕉仔啊！？我下意識望自己下體一下……頂啊！佢人身攻擊我ＷＯ！……咦……咁佢姐係睇到我下體！？



天啊！！！！！我突然覺得自己好污糟啊！！！！！