[絕對無糖分]就係咁，我搬左入一幢充滿一樓一嘅唐樓: １１８　第一吻

我拖住小雨，係唔熟悉嘅香港街道上行，而小雨走係我後面，佢問：「我地……去邊？」

係呢？我地應該去邊？其實……我唔知。

佢一咁問，我嘅無助感突然湧上，我停左係度，心中嘅恐懼慢慢放大，我甚至驚到手都震晒，而拖住我嘅小雨都感覺到我隻手震，佢話：「只要我地一齊，我去邊都無所謂。」

我聽到佢咁講後，個心都定左，冷靜少少後思緒開始正常返，諗左諗後，我打開我個袋，我記得我袋入面有Ｄ港幣。

而小雨見到我咁，佢都拎左自己個銀包出黎。



我地兩個加加埋埋Ｄ錢……

「我地，搵個平Ｄ嘅時鐘酒店住左晚先？」小雨話。

人生路不熟嘅我，對於香港真係好唔熟悉，所以完全接收左小雨嘅說話，跟佢去左間時鐘酒店。

我地上左某間時鐘酒店，一入門口，就已經聞到一種有Ｄ怪嘅味道，而時鐘酒店收銀台坐住左個男人，佢見到我地兩個後，用一個奇怪嘅眼光望住我地後問：「租房？」

小雨點一點頭。



然後個男人指一指個收費牌，我地拎左足夠嘅錢出黎後，佢就帶左我地去其中一間房，臨走果陣，仲係果種奇怪嘅目光。

我望一望呢間房，呢度係，我同小雨係香港相遇嘅第一晚。

小雨坐左係床邊，而我放好我地嘅行李，突然間，我地兩個好似啞左咁唔知講咩好，平時視象，我地會傾到唔捨得關鏡頭，但點解，而家竟然咩都講唔到。

直到，小雨開口：「ＶＩＶＩ，我好驚。」

我坐左係佢旁邊，然後話：「唔駛驚……」但其實，我仲驚過佢，我都唔知我地日後，可以點做。



我地對望左陣，佢就慢慢湊近，我望住佢塊面，見到嘅係一種深情及一種猶疑……唔通佢想？但當佢塊面湊到好近果一刻，佢突然將個頭伏係我膀頭。

原來，係擁抱。

我都緊緊咁抱住佢，但係過左一陣，佢身體開始抖動，我仲聽到佢笑，「笑咩？」我問。

然後佢笑住話：「妳係唔係未沖涼，好臭。」

真係比佢激死。

我從行李入面拎左洗換Ｄ衫出黎，臨入沖涼房果陣，我講笑咁話：「妳身上面都有陣味，一唔一齊沖。」

佢聽到後塊面紅晒咁話：「快Ｄ入去啦。」

我係花灑下冷靜左好多，腦入面不停諗，接落黎應該要點做，但就係呢個時候，我身後面道門開左，見到嘅係已經全棵嘅小雨，佢低下頭，面紅紅咁行左入黎。



我面對住全棵嘅佢，都開始不知所惜起來，直到，佢伏係我背後，從後緊緊抱住我，我感受到佢雙胸柔軟及溫暖，甚至佢呼吸吐息。

然後，我問：「我地……不如一齊好唔好？」

佢停左停後，問我：「一齊Ｄ咩？」

我知道佢呢句係一個問知故問嘅問題，只係笑左笑後無答佢。

然後，佢撤嬌咁話：「妳講啦，我怕羞唔敢講。」

我轉身望住佢，呢一刻，我見到佢眼神係好認真渴求我講出佢心入面果句話。

「小雨，做我女朋友好唔好？」我問。



而佢，好羞怯咁笑左下後，點一點頭。

花灑聲、出面街聲，都頓時慢慢變細，我慢慢湊緊小雨塊面，望住佢由充滿愛意眼神嘅雙眼到閉上雙目，感受到佢吐吶氣息，感受到佢對手好百厭咁撫摸我乳房。

直到……直到我地兩個雙唇慢慢接上。

呢個，係我同小雨嘅第一吻。