[絕對無糖分]就係咁，我搬左入一幢充滿一樓一嘅唐樓: ７３　恨

我一個人係間房入面溫習功課。

「囝囝今日咁早返到屋企嘅？」阿媽行入黎我房門。

而我，唔敢正眼望住佢，因為我唔知好唔好講比阿媽聽，今日我係街上面見到阿爸同個女學生開房。

你地可能問，點解我會覺得阿爸係去開房？

你地又岩，去時鐘酒店，唔一定去搞野，可能係幫個女學生補習呢。



一定係個女學生屋企環境唔好，會影響到溫書，所以阿爸為左佢學業先要搵時鐘酒店幫個女學生補習。

阿爸份人咁正直，又點會做得出同女學生搞野開房呢Ｄ咁無道德嘅事呢，所以一定係幫女學生補習！一定係……

自己諗完呢Ｄ野都信唔落自己，咁我又點可以講出口比阿媽聽呃佢……

我到而家呢一刻仲記得阿爸落樓果一下，春風滿臉嘅樣，以及身後面個女學生將幾張５００蚊放入銀包。

果一刻，阿爸係我心目中個形象瞬間崩塌，從前佢係一位嚴父，教我知書識禮嘅佢，竟然會做出呢Ｄ野……



「囝囝，做咩粒聲唔出啊？」阿媽問。

我望住眼前呢一個媽媽，覺得好對唔住佢，「無野啊，因為溫得耐有少少累姐。」最後我都係鼓唔起勇氣講今日見到阿爸同個女學生開房件事佢知。

我覺得好對阿媽唔住，我面對唔到我阿媽，更加面對唔到我阿爸。

呢個時候，聽到門開，「我返黎嗱。」係阿爸佢返黎，而阿媽就應聲行左出去。

我係間房偷望出去，見到阿爸佢同平時一樣，好似對今日同女學生開房件事原全隱瞞左咁，就同阿媽用平時嘅方式傾計。



究竟人係如何先做到咁噁心……

我唔明……

呢一刻我一直諗，其實我由細到大所學嘅野都係佢教，咁同佢學習又係未一件正確嘅事……我第一次從心對呢一位阿爸生恨。

真係呢一生人第一次。