【真人真事改篇】數未謀面 我愛上左一個人格分裂嘅男仔: 【相識】1 第一次咁認真回覆一個人
「你好！其實你係邊個，我點解會問你嘢嘅？」
下意識我以爲佢玩嘢，同佢講咪玩嘢啦，睇番上面佢問我嘅嘢，但係佢話佢冇印象問過我啲咁嘅嘢，仲問我係邊個，點解有佢電話！
「條友咁神神化化嘅，明明係自己申請入群，自己打個個成千字嘅自我介紹，依家同我講佢冇印象，係咪玩嘢，仲講到我有佢電話好怪咁，佢有咩企圖？」
好啦，咁作爲群員嘅我點都要關心下人地嘅。
「erm...你真係冇印象，**喎，***喎，係你自己做介紹嘅wor，你真係唔記得？一係咁啊，我cap番啲對話圖，再係格離逐個逐個咁寫解釋同關於邊個，再講一講佢地嘅基本資料。」
「嗯，唔該你，睇黎我冇搵錯人，你叫？」
「我叫Abby，叫我Abby就ok，讀**書院，住九龍塘個邊。」
「我住沙田個邊......好近你，搭兩個站就到。」我同時sd左 「你沙田嘛，好近我個邊，搭兩個站就到」
估唔到，撞到咁應，玩埋「神同步」!
「咁咪好多機會見囉，Abby姐！」唔知點解好多人都好鐘意叫我Abby姐，叫到我老曬，大過我個啲都會咁叫我，真係好「大檸樂」，其實唔熟我真係唔想見，所以我
「唉 我一三五都唔得啊，咁啱參加左drama，要係校慶表演啊，sorry...」
「啊，咁下次先啦。」嚇死我啦，我都冇試過有人咁主動，咁快手，平時果d起碼識左2個禮拜先會約我出街，唔通佢真係咁dry，精蟲上腦咩，唉 people nowadays...
我心諗「都係少覆為妙，唔知佢幾時又發神經！」