原來我女神唔純: 獨處
12:55
“喂!啊強! 你今日出唔出食飯啊?我約左傑哥佢地啊!”
“唔喇，我今日落小食部食自己，唉今日遲到lunch要去訓導又寫文”
“咁好啦”
我係啊強，今年中五，讀一間平平無奇嘅英中。唔單只學校平平無奇，連我個人都平平無奇。成績中等，有時都會肥佬咁，總之就唔係咩精英模範學生啦。
5C班係我讀嘅班，偷偷地話你知啊，我地班呢就全級最多八婆港女，成日化埋d淡妝翻學扮無化，當人盲撚左咁。好彩，幾污糟嘅地方都有時係會有清泉嘅，介紹翻，我女神，佩儀
佢成績唔算超班，但係係我地班已經算上上，無化妝翻學，皮膚勁靚，真係好似剝殼雞蛋咁唔係講笑，純天然，笑容甜美，嘩! 佢仲係我地學校排球校隊，我同肥明佢地成日放學網吧都唔去，就為左一睹佩儀著住運動褲同半透PE衫，面泛紅光，係樓下練波個認真樣。最緊要就梗係不忘望下佢對35E，話曬睇波先係重點，盪下盪下咁，幾殺食啊。
13:00
“啊強?你唔洗食飯咩?仲係度嘅?”
啊~我女神叫我啊!!
“冇..冇啊!諗住落樓下小食部食自己，今日遲到啊嗎，一陣仲要去訓導唉! 小食部一放lunch好多人架，遲兩三分鐘應該少人d! ”
“哈!我都係咁話! 小食部平時真係好多人，我都諗住等多陣先落去!”
哇嗚! 係我同女神單獨相處嘅絕好機會!
話說之前f3，我同傑哥肥明做過偵探仔，問下佩儀身邊d八婆FD，佢有冇拍過拖，換翻黎得一句“關你春事咩，死矮仔!冇望架喇你”
矮?我唔係好矮遮168，唉算啦，女人係要求咁高。
根據我地呢兩年推測，珮儀根本冇拍過拖!分分鍾仲係處添!