（有感情有甜）半年的我: 寂寞難耐1

「我都唔知講咩了...你俾我靜下啦。」我帶住無奈同朋友講。
「好啦..你唔好咁激動喇。早啲休息啦。」朋友係電話另一變安慰。
分左手無耐我已經因為其他人而煩惱，睇黎我都真係心已死對住個ex。
收左線，我係到諗我係咪真係對ex個fd有好感呢，抑或我只係因為佢同我傾得多而諗多左。其實係感情方面，我一直都係好敏感，可能有啲自大，可能係毒撚既心態啦，人地對我好，講多幾句關心多幾句就以為人地有意思...我仲未識玩呢個遊戲....

過左幾日，我wts左佢。佢同我ex係hibye friend，我叫佢T。
個陣時我因為唔知係咪對ex個fd有好感而好煩惱，所以搵左佢。
wts
我：得閒？
T：做咩？


我：無 想搵下人傾計姐
T：哦 無問題啊
如是者我就同佢講我覺得唔開心既野，因為某個人（ex個fd）苦惱緊，但其實只係啱啱分手無耐。

分左手個陣出去搵ex個fd都有見到佢，我記得佢有撩過我（flirt flirt地個種）。有次佢地班fd入面有個阿哥叫我去睇佢地有份幫手既drama，佢又坐我隔離全程陪我睇，我話凍佢借件嬲俾我著，主動幫我著，睇到喊個陣又遞紙巾俾我，但呢啲我都不以為然。
傾左幾日，佢就成日問我去唔去佢屋企hea，話佢屋企成日都無人，得閒可以上黎hea。因為我屋企同佢屋企相距只係幾個站，我自己又中意去人屋企hea都唔中意留係自己屋企，又無野做無人約，再加上ex個fd已經唔再搵我講電話，但我個時真係習慣左佢成日打電話搵我傾計，突然唔再搵我真係唔開心同有啲唔習慣，於是我就口快快話第二日去，有人陪啊嘛...

第二日

wts


我：「你係邊啊」
T：「係A出口」
我：「ok 好快」

好快已經去到觀塘站join佢。
講下T既外表啦，其實佢唔高同我ex差唔多，都係得16x，唔係接近170，樣一定係唔靚仔架喇，如果唔係我ex識佢，佢有出黎玩，老實講我真係唔會同呢類男仔講野。
再講下我既外表，我158-160高，身型屬於有肉地個種，但係我得32b，又有肚腩（未算話好大但有啲啦），大比肥，小腿唔算太粗，好似隻雞髀咁。OK，我承認係奇怪，但都唔係太誇張啦。
自問嗰樣唔係差，正正常常，有人話過唔錯有人話中等，我自己覺得唔會吸引唔到男仔個種，係成日睇落樣系姐。
相比其他女仔，其實我覺得自己算係會主動開聲同其他人講野，而佢都好善於溝通，見到面好快就打開話匣子。
我個日既衣著依稀記得係白色t-shirt，普通一條運動短褲，但底衫係黑色sport bra。我上圍唔大，只得32b（著左bra既話），唔著或者著sport bra其實係無波路。但白色衫一定透左個黑色bra出黎。



T：「其實呢你咁樣著會俾人睇蝕曬囉」
我：「咩點著？」
T：「黑色bra，白色衫囉，知唔知啲人中意望白色衫既女仔多啲」
我：「係咩？無所謂啦，望咪望飽佢，又唔係大波，又唔係瘦，我又無所謂」
T：「仲有你呢種褲顯曬下面個型出黎喇，下次唔好著啦。」
我：「是但啦，舒服啊嘛，又唔係去好遠，唔想著牛仔褲啊」
佢好似無講野。
我：「喂到未架，仲要行幾耐」
T：「就到喇，行多陣」
我：「好熱啊，你屋企有無開冷氣架」
佢：「有啊」
我：「good」

終於去到某棟樓既大堂。



我：「喂你老母知唔知你成日帶女上去屋企」
T：「知啊，我試過一個星期帶七條唔同既女上我屋企」
我：「犀利犀利」

上七樓，我以為到啦，點知又要行連接住每一棟樓既走廊，真麻煩...

我：「乜唔係呢棟架，咁麻煩既」
佢：「呢度唔洗行出面咁麻煩啊嘛，又涼啲唔洗曬」
我：「咁快啲，好攰啊」

終於到佢屋企門口。

我：「嘩，涼啊屌」
我即刻坐係張梳化到涼冷氣。


佢屋企唔大，同佢老母住，一睇就知梳化後面張床係佢既，好整齊，男仔黎講唔止算係整齊，係真係好整齊，又乾淨。
我：「好整齊wor你張床，男仔張床好少咁整齊乾淨」
T：「我老母同我都注重乾淨所以唔會俾屋企污糟」

我問佢有無ipad借黎用，我想睇戲，因為無野做，我又唔中意睇電視，都無野睇。佢遞左部ipad俾我，我坐係梳化開同盟睇，個陣追緊tbb啲劇。

睇左一陣，佢問我坐唔坐上床睇，話舒服啲wor，OK我無所謂。我坐上佢張床挨住牆睇，佢將枕頭同被擺好俾我挨。
佢又問我洗唔洗攬住我睇，OK我無所謂，你咪攬囉，一男一女去到最盡咪又係搞野，有咩做姐，雖然我仲未接受到咁快。
佢攬住我睇，我都無乜特別感覺，咁咪由佢攬。
睇緊戲既時候一直都有同佢繼續傾計，唔知講到啲咩啦，關於感情啲野？佢突然哄埋黎好似想錫我咁，問我俾唔俾錫。