【搞笑】海馬公園爆笑趣事集 (逢星期五至日更新): #08 賴皮大王

突然記起一件令小弟勁躁的事。

話說有一次係北極，海豹嗰度，有個阿叔影海豹仔開左閃光。
Okok好多人都會，所以小弟都無咩，咪走過去打算叫佢收手。
小弟好聲好氣同佢講,"先生麻煩不要打閃光。"
得到的回覆居然是,"我沒有啊。"
(係數碼相機，唔駛黏個頭過去的，所以他自己一定知道有無閃光。）

我立即呆左。





大佬，方圓幾米得你一個7頭，唔係你唔通係我？
於是他就係我面前再閃左一下。

小弟心諗今次你無得抵賴了，"真的是你呀先生！"
但係人至賤則無敵，因為佢跟著就講,"不是我，我的相機沒閃光的。”
然後施施然離開了。

我望著的的背影，心中默默舉起中指。