【搞笑】海馬公園爆笑趣事集 (逢星期五至日更新): #04 暴力的遊客

大家都知, 有D 遊客鐘意超大聲講野, 叫老婆叫團友都係咁的。

咁有一次係冰極天地企鵝個度, 小弟就如常周圍兜做下講解。

突然俾我發現一個佬又拍手又扭屎忽又盛, 企圖引D 企鵝注意。

小弟當時好鬼無奈, 真心想走過去講," 小喇叭, 7 少陣啦你!"

都未走到過去, 佢突然昇華, 痴左線咁嗌左一個單字(聽唔清楚)





然後就一拳打左落塊玻璃度。

WTF

大佬你唔好咁癡線啦。

小弟唯有衝過去制止呢個癲漢子。

好彩佢都識做, 立即收嗲兼say sorry。算。





#暴力狂
#生命受到威脅
#地球是很危險的