嘩！我家有個支那女人！(粗口): 第一部曲 01. 下？宅男娶老婆！？ [樊昱珩視]
首先我同各位講明先，我無話特別鍾意或者憎大陸人架、原本。係我角度睇，河水不犯井水，話之你食屎啦。Sor，粗俗左。你揀得繼續睇落去，就唔好咁care斯文定爆晒粗啦。無粗口咁呢個故仔就表達唔到我澎湃既心情。
之後我要略略介紹下我既個人背景，我叫樊昱珩或者叫我Ham。唔係咩男神型男、無8舊腹肌，樣又唔係特別靚仔又唔係特別樣衰。但至少都見得下人，好彩我都算有返咁上下身高，185cm。無咩擅好，機都會打下既但唔沈迷，gym都會一個禮拜操返一兩日或者同個老死落旺角打泰拳當減壓。8舊腹肌就無啦，4舊都有既。唔好流晒口水想ff我既body啦。我名草有主架啦，女朋友叫溫善如或者叫佢Kim啦。同佢一齊左兩年，佢唔係咩靚女又唔係瘦又無乜身材，性格有啲飄忽咁啦，我都唔知點解會咁鍾意呢個女人。Anyway啦，唔好再打我主意啦，哥我已經認定左Kim係我將來唯一既老婆架啦。或者你地可以退而求其次揀下我大哥，樊昱宇。係我眼中佢都算係一名宅男黎架啦，佢人生得返工打下機就好似無乜大改變咁，都成三十幾歲人好似無乜目標咁？雖然係香港無乜可能講咩目標、理想呢啲，搵到個錢要儲下都唔係話咁容易，講真打份牛工儲到一定數目又唔代表一定上到車，就算俾你上到車要供幾耐？屌，咪再講呢啲，離晒題。大哥大我十年，我出世到而家廿幾歲人都無見過佢帶過或者透露半點風聲話有女朋友，剩係知道佢中學個陣暗戀過一個女同學但人地好似當佢係buddy。其實講真，呢個世紀邊個唔會睇外表先？無內涵點都要執執個殼，至少呃得下人先，但我大哥唔係架，佢唔jel頭無fashion sense，無口才……畢竟佢係我大哥我唔講咁多踩多佢幾腳啦，有邊個女女想試下改變我大哥隨時pm我。我對上仲有一個家姐叫樊昱悠Emma，皮膚一啲都唔白俾人感覺似泰國人，性格係比較執著同埋有啲難相處，但識落左都無乜野。佢男朋友，唔係，應該係Fiance先岩，上個禮拜Andrew哥同我二家姐求婚。恭喜晒，終於有人要。Emma未識Andrew哥之前，佢都有黑歷史，因為咁所以我先無跟到我大哥咁宅咋。感謝上主。
有一日…好記得個日係星期日黎。因為全家都係到。
正當我舉緊啞鈴，Emma同媽咪係廳到睇緊劇，老豆去緊廁所屙緊屎個陣，我哥係房走出黎，語氣平淡裡面帶點開心咁講：「我要娶老婆啦！」我當下震撼到個啞鈴跌左係地，好彩無擊中我身體任何一部分，我再以九秒九時間衝出房見一見當時人即係我大哥，同一時間我見到二家姐同埋我媽係呆撚左咁望住大哥，呢個消息相當震撼，同時好懷疑我地係咪同一時間有幻聽。首先比到反應既人係二家姐：「Are you serious？」大哥點左點頭，再反問：「我邊忽似講緊笑？」之後我聽到自己問大哥：「你ptgf咋？定係打機打上腦幻想出黎？呢個現實黎架喎。首先你要有女朋友先只可以娶老婆，重點你那有女？」我哥斯斯然行返入房無幾耐拎埋部電話出黎，show左張相俾我地睇，真係女黎架喎！但係女又如何呢？呢個世界唔係男就係女架啦，張相只係撬住手影係笑得幾甜既，但都唔代表係大哥女朋友黎架。
「邊到識架？一齊左幾耐？」我媽笑住問，佢已經笑到見牙唔見眼。可能佢都無諗過佢大仔會有結婚娶老婆呢一日？
「之前同班同事返大陸飲酒個陣識架。一齊左半年架啦。」嘩，你地唔係現場咋。大哥個樣含晒春咁，得戚到佢。呢一刻既佢就好似未曾試過咁風騷，咁成功。
「大陸？即係呢個女人係大陸人黎架？」二家姐說出重點來。
「乜野呢個女人，係你未來大嫂。講野尊重啲。」由細到大都無點見過大哥咁man，只可以講一句，愛情既威力真係大！
「下，大陸人黎喎。小心啲好啦，而家都多新聞話啲大陸女人專登揀香港男人為左拎香港身份証架啦，同埋你地先一齊半年，我就覺得鬼鬼地啦。」二家姐鄙視咁講完就繼續睇電視。
「呀悠又無講錯喎，做咩咁急住結婚啫？佢識唔識講廣東話架？」我媽開始有啲擔心佢大仔咁單純俾個大陸女人呃。
「媽，佢份人幾好架，雖然佢唔識講廣東話……」大哥想繼續講落去，但二家姐就彈左句：「唔識講廣東話？咁你呀爸呀媽點同佢溝通呀？真係雞同鴨講啦到時。」
呢個消息震撼到我入左廚房拎左兩罐啤酒出廳繼續食住花生飲住啤酒睇二家姐同大哥嘈。
「當初唔知邊個話唔鍾意大陸女人？要揀都唔會揀個大陸女人呢？」二家姐一語中。
拿，呢番說話唔係二家姐屈大哥架。我都記得想當年我同大哥man's talk問過大哥鍾意咩類型既女仔，佢既第一個反應就係：「我一定唔會揀大陸人！又拜金又文化差。」係囉，咁點解一開始大哥咁討厭大陸人點解而家又要娶個大陸人呢？唔通真係支那人仲差過而家啲港女……？