由細個個暗戀女神 到大個個幫襯女神 看破紅塵: [03-與女神之間的誤會]
係小學生涯最後幾個月，我諗住今次一定會同女神分開啦，所以膽粗粗咁隊左本紀念冊俾女神寫。
不竟，一夜夫妻百二蚊，宜家我地話晒都同坐三年，女神亦好俾面咁係本紀念冊上面留左兩隻字。
“friendship forever”
好一個friendship forever，真係令我又開心~又失落...
用得forever既，感情一定好深，但前面放左個friendship既話...
唔通真係要我從軍從成世?!
「喂~就快要同女神分開啦喎~俾左本紀念冊佢寫未呀~」李賣藝轉住佢手上既紀念冊講。
『俾左啦...兩個字: friendship forever...』我好無奈咁篤左本紀念冊兩下。
「哈哈~我好你好多啦咁~佢寫俾我有三個字:Keep in touch多你一個字~」李賣藝得意洋洋咁講。
果一刻，我真係好葡萄!
我葡萄唔係因為佢多我一隻字咁大把!
我葡萄係因為個“touch”!
touch呀!你知唔知係呢個世界上有幾多隻兵希望可以touch下女神?
就算係touch下隻手，touch下膀頭都興奮到要射，幾日都唔想洗手!
宜家仲要話係Keep住touch?!
Holy Shit!
你叫我點忍?你叫我點忍得到呀?
但當我冷靜落黎，唔再諗可以點樣Keep住touch女神之後，我望住李賣藝...
靚仔無計...
李賣藝除左賤格、口花花、無時真之外，仲真係幾靚仔下。
白白淨淨無性病，又高高地，又有D肌肉...
正所謂你的樣子如何，你的日子也必如何。廿年前我已經深深體會過...
一個把口又得，個樣又得，身形都得既男神係你面前，女神都要噴水啦...
話咁快就升上中學，而命運亦伴隨其後。
我竟然同女神升上同一間中學!仲要同一班，真係謝天謝地!
當然命運又點會咁如人意?
命運除左帶左女神過黎之外，仲帶左李賣藝...
我地三個又再次同一間，同一班。
神推鬼擁之下，女神又坐左係我隔離，而李賣藝...當然繼續坐係女神後面...
我地真係好有緣，有緣到三位一體添...
雖然已經同女神有三年同坐既經驗，但呢三年黎，我對女神都仲係相敬如賓。
始終，當兵既為D嘜?
只要見到娘娘幸福美滿，做兵仲有咩要求~
其實我一直都有個問題，究竟女神會唔會以為兵係無jj?
就好似靚女唔屙屎一樣道理?
我真係唔係好清楚，始終，我都仲未係女神面前展露過jj...
直到有一日，小息完之前一刻...
「喂~我放左本龍虎豹係你櫃筒~有時間你慢慢睇啦~嘿嘿~」李賣藝又以笑淫淫既樣同我講。
我梗係知佢無咁好死啦!
放得係我道就梗係想借我過橋!
佢個死人樣一睇就知會做衰野既人，好易俾人周到。
至於我，一副正人君子老柒樣，無咁易俾人查櫃筒。
仆街仔改不了周街屙既習慣。我懂的...
當我坐返埋位，女神已經返左黎。
我偷偷望左櫃筒一眼...果然有本龍虎豹!
再偷望一下女神，佢好專心睇梗本Maths書...
而呢個時候，李賣藝亦單手插住褲袋行返埋位，還不忘投放一個“Like”手勢。
仆你個街靠害咩?
明知女神坐我隔離，仲要放本咁既野係我櫃筒引誘我...
萬一俾女神知道，實認定我係變態佬啦!
我要保持冷靜...
唔好慌!
無事既...唔諗就無事架啦...
當然，你越話唔去諗，就越係諗得精彩...
諗得越精彩，心跳得越快...
心跳得越快，呼吸得越急...
唔吸由自可，一吸差D走火...
歷史又再一次重演，人類總要重複同樣的錯誤。
我又再一次品嚐到女神既體香...
升左中後，果份清新脫俗並無減少，仍然帶有神聖不可侵犯既處女幽香。
唔得啦，唔得啦!
我已經好想要吧!
呢個時候，我靜雞係櫃筒攞左本龍虎豹出黎，偷偷咁掀左幾頁...
掀下掀下，我掀到一頁，有一個Model上半身赤裸，單手遮奶。呢個唔係重點。
重點係個Model睇佢眼大大，皮膚白到識發光，面尖尖，最殺食係佢果把要係陽光下先能夠散發出一絲絲深啡色髮絲...
嘩!女神!
當然，龍虎豹裏面既Model絕對唔會係女神!女神又點會咁好波...
只係Model既樣與女神有九成相似...
九成相似，已經足以滿足一直以來，我對女神既無限慾望!
當我仲計劃緊點樣帶埋本龍虎豹入廁所j之際...
「你睇緊咩呀...oh...no...」坐係我右邊既女神望住我本龍虎豹入面既佢oh no左聲...
呢個時候，我已經驚到j都縮埋，仲未黎得及反應...
「哦~你好咸濕呀...睇呢d...仲要咁似廣香香...」李賣藝黎一個先發制人...
我...我...
我係非常抱歉，大家都知我好少咁樣，可能因為近排有D太累，做左D唔應該做既野，我就呢樣係要致歉。