當你暗戀嘅人突然消失: 第四章

諗左一陣,個人都攰到不知不覺咁訓左,我個腦當然訓著埋啦,但點知冇,仲要同搞個好正嘅夢出黎,
RON突然出現左係一個好熟悉嘅地方,佢諗左一陣,呢到係學校黎,熟悉嘅聲音係身邊響起
呀六:「過黎啦,影相呀仆街,最後一年呀,唔影相呀,企係到成個傻仔咁,諗緊野呀你。」
跟住拉左我入6D班嘅班房,話說我同佢個班都算熟,我行入去其他人都唔會有咩奇怪嘅感覺
呀六:「行過黎啦,再唔行過黎,就唔柒理你架啦.」
咁我就行左過去,企左係一班人嘅旁邊,話哂我都唔係呢班人嘅一份子嘛,係呀六當我係唧,
但突然有把聲同我講:「行過黎啦.」之後就一野就拉住左我隻手,拉我行去另外一班人到,
原來我一開始就企錯左去第二班人到,我心諗:「算啦,好彩有人拉走左我,呢班人冇發現到我咁柒。」
當我望向拉住我個個人嘅時候,我心諗呢個咁細粒嘅人,唔通就係嘉琳，係6D班唯二嘅女仔
當時我開心到咩咁,比起咩中六合彩仲要開心咁,當然啦中六合彩又點會唔開心呢,但兩種開心唔同嘅




之後就拉左我去呢班人嘅中間位置,仲要勾住左我隻手,我同嘉琳兩隻手緊貼,我聞到好香嘅髮香,成個人
即刻飄飄然咁制,我當時以會唔受地心吸力會飄起。嘉琳都發現左我呆左係到,
嘉琳:「呀RON望鏡頭啦,全世界等緊你呀。」
咁我就即刻望翻住手機個鏡頭位,我當時係有史以來笑得最出心嘅時候,當然啦,笑到見牙唔見眼,影相好柒架嘛
所以我都係會心微笑左一下黎影相,影完我就第一時間行左埋去攞左部手機睇張相,我一望張相,嘩,點解我同嘉琳影相嘅時候
唔見左其他人嘅,我係到一面諗緊發生咩事嘅時候,嘉琳都行左過黎睇相
嘉琳:「俾我睇下張相,嘩,邊個攝鏡呀,集緊郵架嘛,又係你個仆街齊,成日都阻Q住哂。」
原來係集緊郵,即刻解釋左答案我知,但我都仲興奮緊,嘉琳走跑過去追打呀齊,而部手機就仲係我手上,咁我咪手殘去睇下其他相囉,遲早都係IG見到架啦,早睇D唧冇事嘅
咁我一路碌一路睇嘉琳今日影嘅相,但我碌碌下發現到,原來嘉琳同其他男仔影相都唔會勾住佢地隻手,連企得太埋都唔會,我諗到之後就即刻超開心,開心到連嘉琳企左係我身旁睇住我傻笑都唔知
直到嘉琳攞翻手機為止,




嘉琳:「你做咩係到傻笑呀,過黎啦,影過呀,岩岩有人阻住哂。」嘉琳一路講一路睥住攝鏡嘅兇手之後就俾左部手機呀六,叫呀六幫手影多張相
跟住當然又一次勾住左我隻手影左張相啦,跟住我地又一齊去睇相啦。
嘉琳:「又影得幾好喎,唔差唔差,收貨啦。」嘉琳都望住張相係到微笑,會心個隻。
呀六:「掂呢,我文青黎架嘛,影相有得差嘅咩。」一路講一路行埋我到,係我耳邊講
呀六:「仲唔多謝我,我幫你咁多,抵請食飯啦。」跟住我就望左呀六一眼,見到佢好有陰謀咁笑得好開心,然後拉開左我同嘉琳附近嘅人去班房外面影相,臨行出門口個時望左我一眼,我同呀六對視左幾秒,就知道佢想講咩,「識做啦,幫哂你啦,加油。」我都用眼神同呀六講左句多謝,之後繼續同嘉琳係到睇相,連嘉琳都唔知而家同我獨處緊,
嘉琳:「不如DEL左有人攝鏡個張相呢。
RON:「唔洗啦,都影得幾好嘛,難得先影得兩張相,仲要係畢業禮,留底啦,又唔係影得好差。」
嘉琳:「咁又係嘅,咁就留底啦,怕你唔鐘意唧,原來你都幾鐘意張相架喎,諗諗下同你影得兩張相好似好少咁喎,不如我地出去自拍多幾張啦,好冇呀。」
聽到之後我又超開心,求之不得啦,心諗可止幾張呀,一世都同你影都得呀,之後竟然我口都未開話好呀咁行啦,嘉琳就又拉住左我隻手同我行左出去,我心諗咁心急,我鍾意。之後就俾嘉琳拉左出去影相了.
行出去嘅時候,我心諗:「嘉琳BB你唔覺得怪嘅,成班人出哂去,都唔叫你喎」,我望住嘉琳都feel唔到佢覺得怪,唔通佢一早就知,岩岩我同佢獨處緊嘅,嘉琳諗緊咩我都不作多想啦,