當你暗戀嘅人突然消失: 序章

我就係個普通嘅中六生，叫呀Ron，比較內向，個人表面睇落都唔差嘅，亦都同普遍嘅宅男毒L一樣，身邊亦甚少女性朋友，成日話自己冇女係理所當然啦，但又戇居居咁淨係暗戀一個女仔，其實本人都暗戀過唔少女仔，但竟然而家暗戀左個同之前暗戀人嘅感覺唔同feel嘅女仔，個種感覺其實都好難講，就係好簡單好純粹嘅鍾意佢，唔係話一定要擁有而係睇住佢好就夠咁啦（講到好偉大咁），之前就話放手就放手，而家係唔願放手，就算個女仔有男朋友都好啦，總之種感覺就好神奇咁啦。但再神奇嘅事出現左，呢個我暗戀緊嘅女仔消！失！左！！！