「謊遊記」 如來設局始西遊 輪迴百世還未休: 「謊遊記」角色人物專訪 2 白骨夫人與奎木狼

「謊遊記」角色人物專訪 2 白骨夫人與奎木狼

四月：大家好，又係我黎刷存在感嘅時候啦！謊遊記第二篇「白骨夫人篇」剛剛完結，呢一篇嘅故事其實我自己係幾鍾意，情深嘅奎木狼，執著嘅白骨精，或者你地死不得夠淒慘，但這份愛情絕對係淒美。

白骨：為什麼要拆散我們？要棒打鴛鴦？情人節又過了，元宵節明明又未到！

四月：你拎開個骷髏頭先⋯⋯都話上年母親節我殺左烈花老母係意外，係巧合囉。

奎生：夫人，放過這單身狗吧，問世間情為何物，能和你在地獄團聚，我無悔無怨。





白骨：夫君⋯⋯

四月：頂你個肺⋯⋯已經唔睇fb黎避d閃光彈架啦，你地仲要走上黎閃我⋯⋯

白骨與奎生：你叫我地上黎架啵。

四月：又好似係，馬上黎第一條讀者提問！想問下奎生，如果百花羞同白骨精同時企係你面前，你會J⋯⋯吖⋯⋯係揀邊個呢？

係呢到補充一點，百花羞靈魂早已輪迴轉生，白骨精係奎生手多多係副白骨到刻上白骨夫人四字，導致呢副被陰火燒過嘅白骨加上神力影響煉成妖精嘅，白骨夫人你嚴格黎講係屍變，點解你仲會愛上？





白骨：夫君我⋯⋯

四月：又黎⋯⋯

奎生：輪迴過⋯⋯轉世過，百花羞的靈魂已忘記了我，在寶象國我擄走她時我已很清楚⋯⋯但我身邊的白骨，是因為對愛的執念已成為妖精，千百年來她無忘記過我，就算襲擊取經團隊打唐僧主意，也是因為想和我團聚⋯⋯就算從陰間回來再次追殺唐三藏，也是因為想傾倒神權！想和我長相廝守！她沒有錯！錯的是無理神權！橫蠻的制度！

四月：你冷靜少少先⋯⋯地方淺窄，你係到全妖化我會好麻煩架，下一條，兩位都食過唐僧肉啦，咁到底味道如何呢？食完有無咩身體變化？d妖力係「霸霸聲」咁湧出定「嘭嘭聲」咁爆出黎呢？

白骨：味道⋯⋯還得看煮法，我個人來說喜歡煮成濃湯。唐僧肉的香味，就算逃到那裡也會被妖精聞到。





奎生：我生吞了⋯⋯冰鮮的⋯⋯味道⋯⋯和感覺⋯⋯都不太良好，但身體會有股溫熱的感覺，力量充滿整個身體⋯⋯讓人忍不住想射⋯⋯想散發出來。

四月：妖⋯⋯俾番d胃口我⋯⋯下一條，到底妖眾總部雪櫃有幾大，收埋幾多唐僧肉呢？

白骨：比你這狹小的房間大，足夠擠滿這房間。

四月：你知唔知香港有幾多人有土地問題？你取笑我？ok你威威，下條，講下d同原著有關既問題，奎生你當年做左黃袍怪，被二十七宿捉上天庭，受左咩酷刑呢？

奎生：罰幫太上老君個丹爐煽火，不久後復職。

四月：吓！你個癡漢拐帶寶象國公主，仲同取經團隊打起上黎再浪費警力要二十七警捉你老哥上去！罰透爐？公平呢？d政府係咁架咩？你地拖人去暗角都得架啦？

奎生：係得嘅，天庭就是這樣不公，這樣無理的地方，無論是沙僧，八戒還是龍王三太子，他們所犯的罪又需要這般重罰嗎？

四月：咁聽講西遊記原著係暗暗反映左當時社會嘅一d現象嘅⋯⋯我鍾意西遊記，更鍾意後世人對故事嘅好多推測，好似有人推斷你同白骨精嘅關係，估計係你泄漏天庭機密所以咁多妖精知道唐僧肉強身健體。





奎生：真相，或者已無辦法查證，但能成為讓後世有這麼多推測的，絕對是一部名著。

四月：所以我寫左呢個故事，謊遊記除左係改編，好多同原著有關，好多坊間推測我都放左係入面，做一個不一樣的西遊記，係我今次想達到既目標。

感謝一直支持追看的每位，好多謝積哥畫上兩位非常漂亮嘅人設，性感到不行嘅白骨姐姐，成個聖鬥士咁嘅奎木狼星。

我們都有中二病，請陪我們繼續中二下去，下個人物專訪見，謝謝。

角色人物專訪 2 完