[傷感愛情] 無語問蒼天: 第三十二章 - 莫名其妙被打

呢晚, 我同詠欣晚飯之後如常響街上手拖住手咁行住之際, 我地正經過一條橫街之處, 突然, 街內走出左幾名大漢出黎搭住我嘅膊頭黎問, 「你係咪叫做張偉倫呀?」 我有啲覺得唔係好野嘅預兆, 所以我就先叫左詠欣行開一便, 詠欣行開左之後, 跟住我就問番呢班大漢, 「兄弟, 有啲咩事咁呢?」 大漢確認左係我之後, 跟住見為首果個大喝一聲, 「係佢嘞, 揼佢!」

一聲令下, 拳腳即時就如雨般咁響我身上狂揼住, 我雙手護住個頭, 正被圍揼中嘅我, 個心仍擔心住詠欣嘅安危, 我大嗌一聲, 跟住就再奮勇咁殺出重圍, 詠欣正響不遠之處狂嗌住救命, 而我就向住詠欣嘅方向跑去, 「詠欣, 快啲走呀!」 我追到詠欣之後再拖住佢隻手繼續係咁起勢向前跑住。 

但突然, 我聽到後面正好似發生緊打鬥聲響咁, 我回頭一望, 發覺有兩個黑黑實實嘅大漢正力敵住揼我果班人, 兩個大漢極度孔武有力, 每人只要一拳或者一腳就可以制服到一個人, 好快趣, 揼我果班大漢經已盡數住地不起。 

正在不遠處有部監視住呢便嘅私家車, 車上嘅人見到咁嘅情況, 跟住就開始慢慢咁開車離去, 司機邊揸住車邊按住電話, 「喂宏哥, Tony 呀, 條靚仔身邊原來有人跟尾睇住, 今晚郁手班靚仔全部都比兩條踞架佬打到殘哂, 哦, 即係暫時都唔好再搞條靚仔住, 哦, 知道, 收到!」

另一邊, 詠欣正扶住我行左去載左部的士離去, 車上, 詠欣正一面擔心咁問住我, 「偉倫, 你點呀? 使唔使先同你去醫院度檢查一吓先呀?」 望住詠欣正緊張住我嘅表情, 我就反過黎安慰番住佢, 「無事嘅, 小小損傷咁啫, 濕濕碎啦, 不過真係唔知發生左啲咩事? 我又無同人地結怨, 但做咩無端端有人要打我咁嘅? 而頭先果兩個大舊佬又係啲咩人? 真係諗極都唔明!」



「偉倫, 你條頸同隻手都流緊血呀, 不如都係去醫院度檢查吓先啦!」 詠欣正一面緊張住, 我摸下受傷嘅位置, 應該只係皮外傷咁啫, 「哦, 無事嘅, 只係小小擦傷吓咁, 但不如我先去妳屋企度敷左藥先, 順便抺一抺衫上面嘅血蹟, 我費事一陣番到屋企比老媽子見到之後, 要佢老人家擔心就無謂啦!」 的士開始轉到詠欣屋企方向駛去。

到左詠欣屋企之後, 我開始除左件染滿血蹟嘅恤衫, 而詠欣就好快咁攞左啲藥水同膠布出黎幫我敷藥, 我坐響梳化上, 而詠欣就企響我面前幫我整理緊頸上面嘅傷口, 但響呢一刻, 我再次諗起我地第一次響老蘭個陣, 詠欣又係同樣幫我響額頭貼住膠布果個情景。 

詠欣已經幫我貼完膠布, 就響佢要執番好啲野嘅時候, 我已經忍唔住就攬住企響我身前嘅佢, 面額正枕住響佢嘅胸前之間, 「詠欣, 唔好走開住!」 詠欣亦開始默默咁攬住我個頭, 攬左一陣, 詠欣輕拍住我個頭咁細細聲講住, 「偉倫, 我好驚同好擔心你呀, 你千祁唔好有事至好呀!」 我抬高頭望住佢個擔心樣, 「傻豬黎架, 我點會有事呢? 我話過呢一生一世都仲要響妳身邊保護住妳架嗎!」 

講完呢句說話之後, 詠欣已經坐左響我大脾上攬實住我, 四唇經已緊貼住, 已經無需再用任何嘅言語黎表達, 靈慾經已一致, 我地嘅身上嘅布料亦開始逐件地除下, 錫多一陣, 我已經赤條條咁撗抱住亦正身無吋褸嘅詠欣入房, 床上, 我地已經開始吻得火熱, 肌膚正互相緊貼嘅感覺令我地忘卻今晚所發生嘅任何事。

已經差唔多嘞, 詠欣下身已經濕潤得可以開始我地嘅旅程, 一切經已就緒, 硬物亦正徘徊住響佢嘅門外, 我地正默默咁樣對望住, 下身一挺, 美事緊隨響床上開始激烈咁發生住, 誘人嘅呻吟聲響, 急促嘅呼吸喘氣聲, 我地正緊緊咁互相擁抱進行當中, 一切一切, 直到暖流響詠欣嘅體內湧現為止。
 


第三十二章圖述
 


偉倫對今晚所發生被打嘅事感到莫名其妙