[傷感愛情] 無語問蒼天: 第十二章 - 答應要求

我同思穎拖住手咁再行多一陣, 已經到左晚飯時間, 呢次我地揀左一間上海館度食上海野, 已經同思穎開始多左話題, 佢話我知佢曾經都同過幾個男仔拍拖, 而我亦講左我嘅過去比佢知道, 講多兩講, 我諗起呢舖既然係由佢主動黎溝我, 所以我亦唔會怕醜咁黎問住佢, 「喂, 妳第一次究竟係比左邊一任嘅男朋友架?」

思穎無諗過我會有此一問, 見佢居然比我問到面紅紅咁唔知點答至好, 「你做咩問埋哂人地啲咁嘅問題架?」 嘩, 見佢正表現到一副含羞嗒嗒樣咁, 呢一刻我就真係有啲想即刻就將佢吞落肚度咁滯, 「哦, 唔係, 只係有啲好奇咁問吓啫, 但又唔係話真係要妳一定答我嘅, 之不過我又真係好想知道咁解啫!」
 
等左一陣, 思穎居然真係開口話我知, 「我第一次…..咪就梗係比左第一任嘅男朋友架啦!」 哦, 第..一..任..男..朋..友, 我有啲暗喜, 原來思穎佢已經唔係處, 咁呢舖我就更加易話為添嘞。

飽肚嘞, 我同思穎繼續響街處拖住手黎行住, 到左已經重建完嘅波鞋街附近, 呢頭真係可以講係賓館同別墅林立, 我地行左去睇波鞋, 跟住我地就繼續漫無目的咁再四圍行住, 我指住啲別墅招牌問思穎, 「妳有無同啲前度上過去呢啲地方度架?」 思穎望左一陣跟住就同我講, 「間中都會有嘅, 因為啲前度屋企周時都會有人響度架嗎!」 

原來真係有上去過嘅, 呼, 咁點算至好呢? 我係咪應該就咁開口叫佢不如我地而家又試吓上去開戰咯  但又似乎好似太直咁, 但望住佢呢一身咁迷人嘅身段我又已經有啲硬硬地, 點算呢? 再行左一陣, 思穎就同我講, 「喂夜嘞, 不過偉倫, 我今日真係玩得好開心呀!」 我笑住同佢講, 「咁開心咪好囉, 以後我地都可以繼續咁開心架!」 思穎望住我甜甜咁笑左一笑, 跟住就好肉緊咁再將我攬住起黎。 



呵….., 對包包又壓得我好實呀, 我已經真係忍唔住就響佢耳邊度細細聲咁講, 「喂, 不如…..我地搵個有得涼沖嘅地方攤抖一吓先至番屋企啦, 好唔好呀?」 懷中嘅思穎聽到我咁講, 見佢即時企番直個身咁, 佢似乎意會倒我嘅意思咁, 見佢撥住耳邊嘅頭髮低住頭講, 「偉倫, 我地…會唔會…係快左啲呢? 今日我同你先至係第一次出街, 但你咁快就要我….」

我有啲懇求住佢嘅語氣講, 「點啫, 好唔好呀?」 我捉住思穎兩隻手黎望住佢, 思穎仲係有啲猶豫不決咁, 但我都預左佢無咁快會肯答應我, 所以我就再同佢講, 「咁算啦, 或者我地都係應該早啲番屋企嘅, 黎, 我送妳去巴士站度搭車先啦!」
 
我同思穎開始好慢咁向住巴士站方向行去, 但我就無再拖住佢隻手黎行, 而且我仲刻意咁比佢行得快少少, 思穎響我身後嗌住我, 「偉倫呀, 你唔好咁啦, 偉倫…」 我無理到身後嘅佢, 我繼續向前咁行住。

行左一陣, 咦, 做咩後面好似無哂聲氣咁嘅? 我回頭一望, 見思穎響後面不遠之處正停左腳步咁企住, 我行番轉頭問佢, 「喂, 做咩企左響度唔行呀?」 思穎有啲唔自然咁, 「偉倫…」 我等緊佢嘅繼續, 思穎低住頭咁再嗌多我一聲之後, 跟住就向我點住頭咁講, 「偉倫…但要買左袋我先至肯去…」 Yeah 搞掂。
 
第十二章圖述
 



 
遊人永遠不分晝夜出沒的旺角區