聽歌說故事

“喔～你又擦肩而過”

－－－－－－－－－－－－－－
我無租公寓，亦未升大學，更唔識整蛋餅。
作為著名和尚寺既學生，我每日就係訓醒返學放學訓教，下課無人陪我走，學校的操場又無星空睇，唉，人生不過如此。
入得和尚寺，預左dry到爆，每日翻到學校對住班仔唱歌遲早比人打，有時我都忍唔住係到諗，無著住校服拍一次拖真係唔多抵。
你問我有無鍾意既人？其實有架，我鍾意左佢五年，爹都唔多兩句。
鍾意一個人真係好奇妙，你會去留意佢，無時無刻都想搵佢，但係又唔夠姜，一隻字：怯，兩隻字：好怯，三隻字：好撚怯。
－－－－－－－－－－－－－－
日復一日，我又上左巴士去返學。
你或者會問我，點解走到咁遠讀書，辛苦自己。




無話既，見下世面都好，費時做隻井底之蛙啦。
係岩岩上中學無耐，我發現我同我鍾意果個女仔同一架巴士返學。
佢以前讀我隔離果間小學，我同佢一齊補習，所以先識佢。
小學雞既愛好簡單，覺得佢靚囉，好人囉，無架啦。
於是者，我日日都帶住忐忑既心情上巴士。
每日都係到諗，我今日會唔會見到佢呢？
佢次次都坐下層，我次次都唔敢坐佢隔離。
佢帶住個headphone，同我一樣與世隔絕，佢有佢聽kpop我有我聽吳業坤。
每次落車我望住佢，繼續專心聽歌，望住個門口等。
我從來都唔知佢聽咩韓文歌，我亦都唔會問。




情書？呢個年代無人寫架啦；我唱歌自問五音不全，點唱佢愛既歌呢？
暗戀係唔痛苦，依家同佢保持一個距離，日後好相見啊嘛。
－－－－－－－－－－－－－－－
我係唔痛苦遮，你都可以望下我啊？
如果有一日我唱告白氣球，你又會唔會回頭？
－－－－－－－－－－－－－－－

“等你下課一起走好嗎？”