弊家伙，閻羅王唔見左!: (四十四)

(四十四)
狄公明朗地笑道:「呢兩位就係文西同史努比呀?你地好!」，他特別在「文西」二字加重語氣。

我深深吸一口氣道:「我都係鐘意人地叫番我英文名Vinci多啲，你想我地點做?」

狄公聳肩道:「都係一句姐!講番正題，我想拜託兩位做我保鑣!」

我皺眉道:「係咪有『魅』幫你囉!」

狄公搖頭道:「一，有三隻之前俾你地打巢左，淨番隻赤鬼早兩日俾撚樣張劈死左啦!二，佢地太貴啦，再請過我請唔起!」





撚樣張?應該是指城隍爺張柬之吧!

我揮手道:「咪啦!咁危險!唔好搞我!」

狄公笑呵呵道:「最多咁!事成我叫特區政府俾番個紙紮牌你，包保你發個豬頭!再者都唔係你打架啦，都係史努比出手姐!」

正所謂人為財死，鳥為食亡，而且狄公也說得有道理，反正動手的是史努比，我倒十分安全，所以忙點頭答允。

狄公望向史努比，待他答覆。史努比想一想，答道:「到時你頒番過大紫荊勳章俾我，等我番埃及威下，升職都易啲!」





我們談好條件後，狄公便消失於眼前。陳清心從手袋拿出一本破書遞給我，道:「俾你嘅，狄公話啱你用!呢本野就貴囉，大嗱嗱洗左我二千幾萬!仲有，不知幾轉接先買到番黎!」

我左看右看，奇道:「呢本爛鬼書邊忽值二千幾萬呀?閱微草堂筆記?我識喎，紀曉南寫架嘛，咪又係聊齋!」

陳清心笑道:「識啲野喎!一般坊間嘅閱微草堂筆記得廿四卷，冇乜人知有第廿五卷。呢本就係第廿五卷啦!仲要係真跡!你話值唔值二千幾萬呀?」

我簡直如獲至寶，拚命地攬著它。陳清心笑道:「上面有寫點用，得閒睇下!跟住應該冇我嘅事，狄公就拜託兩位，司機會車你地去搵狄公!」

轉眼間，轎車駛到了荃灣一座廢棄多年的石礦場，我們才一下車，轎車就立馬駛回去。在一堆碎石中，一口破棺特別顯眼，我和史努比忙走過去。





我敲敲棺材的蓋子，道:「喂，狄公!」

棺材震了兩下，傳來一陣罵聲，道:「屌你呀!響我全朵?叫我白板!」

我只好點頭道:「係係係!你啲手下呢?」

狄公道:「又唔係開P，咁多人黎做咩姐?」，說罷棺材緩緩升起，向附近的一個洞口飄去。

就這樣守在石礦場已經三天了，我跟史努比已悶得發慌。就在這時候，紅中和發財來到洞內。

發財向著棺材抱拳道:「大哥，心姐話撚樣張今晚應該會做野!」

突然一個汽水罐飛向紅中，「呢邊呀死蠢!有冇話幾點?」，扔汽水罐的正是坐在一旁的狄公，他一般都不喜歡待在棺材裡，沒有外人時都會出來舒展筋骨。





紅中避過汽水罐道:「十一點!」

狄公捋著花白的鬍子道:「嗯……你、發財同埋啲兄弟係附近埋伏，無論如何都唔可以俾佢地用到五雷轟頂，唔係就冚家鏟啦!其他野史努比會搞掂!」，紅中、發財就這樣領命離去。