弊家伙，閻羅王唔見左!: (二十三)

午夜，太子一間茶餐廳內，九叔慎重地張開了兩層結界，抹掉額上的汗水，道:「我走左之後，儀式做成點?」

史努比報告道:「合共四十三人進行左儀式。」

九叔雙眼放光道:「咁即係全員做哂啦，有咩料到?」

史努比搖頭道:「冇，連小小可疑嘅人都冇。仲有，唔係全員做哂……」，我們四人面面相覷的看著對方，因為正如史努比所說，並不是所有成員進行了儀式，至少我們四個沒有。

「條橋我地四個都知，做都冇意思啦!」，我嘆氣道，但九叔搖頭，露出堅毅的神色，我馬上會意，揮手道:「你唔係諗住黎真下話?講明先，咁我寧願辭職唔撈!」





白糖糕摸著下巴道:「等陣先，話唔定真係冇內鬼呢!佢地知我地會做野，都唔一定係有人比料佢嘅姐!」

我輕奮地拍枱道:「係喎!你地諗下，佢地每次都係早十至十五分鐘先走人，如果內鬼係比料就唔洗等到咁遲先比啦!與其話有內鬼比料，不如話係佢地發現我地黎掃場好過啦!」

九叔沉思半响道:「都有啲道理，通常我地到場之後，都要花十至十五分鐘準備同埋位，即係佢地有方法知我地到左現場，之後先走人?」

史努比點頭:「都唔係冇呢個可能，想知其實好簡單，做個實驗就得!」，說罷便如一支箭奔出去。

此時，我亦趁這時間詢問九叔道:「九叔，你頭先查成點?牛五講嘅野係咪堅?」





九叔點頭道:「我好艱難先搵得番口巷啲閉露電視嘅影像睇，當時環境好黑，睇得唔太清楚，不過我諗果個人有七成係狄公黎!」

我難以置信道:「真係?點解堂堂一個閻羅王會去埋啲咁嘅地方?」

白糖糕露出曖昧的笑容道:「你估多情老漢無情鞭係浪得虛名架?佢當年就係以九十歲高齡出入花叢，迷到唔少女人，所以先有多情老漢呢個美名!」

我好奇問道:「咁無情鞭呢?佢真係用鞭高手?」

白糖糕搖頭道:「咁呢層就唔知啦，有傳聞話第十一殿嘅最高刑罰係行鞭刑，由狄公佢親自操刀，對罪有應得嘅惡鬼絕不留情!我自己就未親眼見過啦!」





白糖糕壓低聲線，故作神秘道:「亦有傳聞話，狄公佢好SM，精於此道，係用鞭高手!」

九叔笑道:「你咪聽白糖糕鳩吹啦，當年聽家師講，狄公可以話係當世第一神鞭，佢用鞭就好似如臂使指，隨心所欲，猶如靈蛇附鞭一樣!」

我追問道:「咁勁抽咪又係唔夠隻惡魔打!」

九叔嘆氣道:「英雄遲暮呀，你冇聽劉松仁講咩，『再鋒利既刀都會有生銹既一日，又何況係人呢?』」

是劉松仁嗎?我印象中應該是姜大衛說的!