弊家伙，閻羅王唔見左!: (二十一)

(二十一)
我在白糖糕的勸解下，好不容易才回復理志，不然定會誤了大事。

就這樣子，大概已有二十多位成員進行了審判。每多一人完成審判，我的心情都很矛盾，失望的是還沒揪出內鬼，安慰的是幸好某某不是內鬼。

「喀喀喀!」

牛五帶著滿身的汗水進來，九叔半開玩笑道:「哦……你就係二五仔!唔係大汗揼細汗，咁緊張做咩?」

牛五勉強地乾笑兩聲，道:「冇……怕痛姐!」，說罷便按史努比的指示躺在桌上。





纏好白布後，九叔史努比雙雙開始唸起咒來，牛五的反應十分激烈，身體強烈地扭動，痛苦地發出嚎叫。

「嘩，真係搞到劏牛咁，有冇叫得咁淒厲呀?九叔落手咁重嘅，好大私怨喎!」，白營糕那變態的一臉趣味盎然地道。

九叔見時機成熟，便問道:「點解?點解會係你!?」

牛五痛苦地道:「九…九叔，對唔住，我……」

九叔追問道:「點解要做二五仔，點解要放料比大三元?」





牛五答道:「我冇呀……我係……放走左發財咋……不過我冇……冇心架!」

九叔見牛五說話斷斷續續，只好減低咒術的力量。牛五喘著氣躺了一會，突然走到九叔面前跪下來，道:「果日我撞到個熟人，佢求我放佢。我唯有偷偷地帶解開口門個封印，放佢出去，點知發財同佢班靚乘機一齊衝出去，我唔係特登放發財架!」

九叔恍然大悟道:「咁洛仔都係你扑暈架啦!」，牛五羞愧地點點頭，九叔繼續問道:「個熟人係邊個?交情好到要放走佢?」

不論九叔怎麼追問，牛五都只是支吾以對，不肯把那人供出來，此時我突然記起第一次行動中的情境。

我點點頭說道:「哦，出黎玩下咪算囉，搏哂命咁搞到上氣唔接下氣，因住呀你!」

老伯氣得紅漲了臉，道:「你同我定，黎多2Q都仲得呀!唔係你班差佬阻住哂，我贏硬個死老野架!」

我忙用觀察室的咪高峰問道:「點解要放走個阿伯?」

牛五突然如遭雷擊的道:「Vinci?你……你點知架?」

我裝腔作勢道:「哼，我好多野都知，你乖乖地講出黎啦!」

牛五問道:「你知幾多?」

我小心推敲後道:「佢係老兒不黎，咸咸濕濕仲好鬼串，成日吹自己搞野搞好耐!」

牛五思前想後，內心掙扎一輪後，道:「好，我講，不過九叔你應承我唔可以講出去，唔係佢會有危險!」





白糖糕搖頭道:「死牛頭個腦係咪裝屎架，咁都被你拋到?!」，我也覺得十分神奇，要是我是九叔大概不會再把重要的事交給他了。

牛五一字一字道:「果個人就係閻羅王狄公!」