弊家伙，閻羅王唔見左!: (十三)

(十三)
史努比目不轉睛地看著大宅的門口，我隨著他的視線望去，只見大宅外空無一人，故問道:「喂，你睇咩姐?」

史努比不屑地道:「都叫你得閒修練下架啦!拎去搽喺眼皮上面啦!」，說罷從口袋拿出一支小小的藥水給我。

我把藥水推回去，道:「牛眼淚?唔洗啦，九叔比左副開左光嘅眼鏡我，就算隻鬼隱左身都睇到!」，我邊說邊在背包裡找，「擺左喺邊呢?唔係冇帶下話?」

史努比二話不說，把那支牛眼淚水扭開，強行塗在我的雙眼上。我馬上摀著鼻子道:「嘩，咁撚騷嘅!牛眼淚定牛尿呀屌?」

史努比幸災樂禍地笑道:「嘿嘿，我都叫左牛五食得清啲架啦，係都唔聽講!」





我險些氣得暈得過去，只好拍拍自己的臉，抖擻精神。這時史努比已悄悄地下了車，我忙躡手躡腳的跟上去。

漆黑的街道上，五隻鬼排成一直線，他們都很矮小，大概只有一米二、三左右，他們一起在頭頂抬著一個長方形的木箱，宛如一口棺材，十分詭異。五隻小鬼身後，跟著一個佝僂的身形，那人穿著一件暗紅色的大斗篷，斗篷上的兜帽剛好把那人的臉遮著。

我在史努比的耳邊低聲，道:「跟據我仔細嘅觀察、嚴謹嘅推測，個棺材入面一定係裝住果一億，果條友肯定係陳清心!」

史努比回頭看著我，誇張地點頭，道:「哦……唔該哂。」

我氣鼓鼓地道:「挑，洗唔洗咁寸呀?我都係……」





「噹啷!」

我望著地上的汽水罐，心裡不禁叫了一聲糟糕。這時候還是經驗豐富的史努比反應快，一手把我拉到一輛客貨車後。

過了半晌，史努比才鬆一口氣道:「好在佢地冇發現姐!唉，怕左你!」，史努比的雙手以極快的速度結了數個手印，同時口中亦唸唸有詞，突然伸出右手在我的額頭上彈了一下。

我摀著火辣辣的額頭道:「搞咩呀你?你估……」

奇怪，怎麼會沒有聲音?





史努比得意的道:「嘿，我啱啱幫你施左個淨音咒，無論你直接或者間接發出黎嘅聲音，都會被個咒封鎖哂，依家放心啦!」

接著，我們又再度開始跟蹤陳清心一行六鬼，不過說也奇怪，打從一開始他們便在大宅附近遊蕩，完全沒有去目的地的意思。

史努比也察覺到不妥，道:「點解喺度兜黎兜去?唔通佢地一開始就知自己被人跟?」，我也很想答史努比的話，可惜我發不了聲。

「緊係知有人跟啦!咁大陣牛味!鼻塞都聞到啦!」，一道身影突然攔在我們的身前，以嘲笑的聲音道。

史努比醒悟道:「係喎!近得牛五多，聞慣左陣除都唔為意，真失策!嘿嘿!」，他邊說邊向那道身影打量，只見一隻身高兩米的鬼，左右手各執一支一米長的巨型火柴。

那隻巨鬼緩緩的走近，道:「朋友，唔好跟啦，夜媽媽早啲番去訓啦!」，此時陳清心等鬼亦加快腳步，趁機離去。