【食勻亞洲】上天堂前要食過的五條女: 十一)多少往事甜在龜頭

「我不如係lobby等你?」唔知點解我有時真係好正氣,正氣到有時我都覺得自己係一條正氣。 

「唔使驚呀,我roommate 今日day-off唔會番黎。」 於是我就順理成章咁入左去佢間房,

話說女生宿舍係唔同啲。

兩張床中間有個小桌,小桌上面有個花樽,一派和風嘅感覺。 

「你間房好企理啵」

我靠近個窗台,「景觀都唔錯。」 

「唔準望呀~」佢突然掩住我對眼。 

「做咩啫你。」我問佢。 

「唔準擘大眼呀!我仲未收好啲under呀!」佢矮我一個頭,我捉實佢隻手慢慢拉開。 

「得啦我唔望,你縮開手先!」 



真係唔知係我同佢糾纏之間我太大力定佢太細力,

佢一個失重心往後跌左係床上面,

而我都因為失平衡,成個人伏左係佢身上。 

「好痛呀衰人!」著住件hollister hoodie 嘅Ceci 打一打我。 

「使唔使咁大力呀~」我捽一捽個膊頭。 



然後,我同佢靜止左我係床上面壓住佢喱一刻,空氣中彌漫住一陣曖昧嘅香水味。 

「其實我一直都有個問題想問你,」我同佢四目交投, 大家塊面都紅卜卜。 

「嗯?」 

「嗰次玩true or dare 其實你係...」我連條問題都未問完,佢咀唇冷不提防咁湊過黎,我地kiss左一下。 

「唔準問。」佢鬆開咀唇。 

我心諗:仆街,今次遇著高手添。