【少甜，非甜故】為左變性，我唯有做雞。: 第六章 變 (4)
「司機，威爾斯有落。」
小巴司機舉手示意聽到我的呼叫。
「仲以為佢係男人添。」坐在我後方的女生跟她朋友細聲說道。
我沒有理會他們，而是搶先下車趕去跟外科醫生見面。
口罩，鴨舌帽，太陽眼鏡我都戴齊了，就算碰到王偉明他都應該不會認得我吧？
我本來打算穿過咖啡室去升降機大堂，卻發現有個熟口熟臉的醫生一個人在吃沙律。
真的是「日頭唔好講人，夜晚唔好講鬼」，竟然這樣也能遇到偉明。
我急步繞道而行，希望他沒有發現我吧。
然後我去了會客室等外科醫生，半個小時後他終於出現。
「唔好意思，我岩岩有個手術做耐左。」他邊說邊脫下口罩。
「唔緊要。」
「我係Dr Chan，點稱呼？」
他明明知道我的姓氏，卻沒有魯莽地叫我林小姐。
果然是有經驗的醫生。
「叫我恩兒。」
「好。恩兒，今日最主要係同你講下手術流程同風險，做啲簡單既檢查。請問向我講解之前有無咩特別既問題？」