【少甜，非甜故】為左變性，我唯有做雞。: 第五章 晨 (4)

「老闆，我都係下次先黎啦。」我慌張地在找海欣的身影，卻遍尋不獲。

「好耐都唔見你一次啵，咁快就走啦？」

「我突然間醒起有啲野做，下次見啦。」

我拉著偉明準備離去，卻聽到一把熟悉的聲音。

「埋單吖老細！」



我眼角一瞥，果然是她。

「係！喂海欣，恩兒同佢男朋友向出面啵。你地唔係好friend架咩？」這老闆真的最愛多管閒事。

「林恩兒！」海欣在我背後喊道。

被發現了再逃走嫌疑反而更大吧，現在唯有硬著頭皮跟她見面。

「早晨呀，咁岩既。」我回頭奉上一個假的微笑。



「係呀，Felix話想飲奶茶，所以就帶左佢黎呢到。同你介紹返，我未婚夫Felix。」

「Hello大家好，呢位一定係Michelle既好姊妹呀Yan啦，佢成日都提起你。呢位係？」一個高高瘦瘦的年青人想與我握手，Felix的真人比我想像中彬文有禮，一點都不似富二代。

但只要想起他背著海欣偷食，我便不禁怒火中燒。

「佢係我男朋友，精神科醫生王偉明。」我脫口而出說了個謊，但來不及打個眼色叫偉明配合。

「幸會幸會，你地郎才女貌，絕配絕配。」幸好偉明沒有揭發我。



之後我們四個人都不知該說甚麼，沉默使氣氛尷尬得很。

我究竟是不是瘋了，一時衝動竟然亂說偉明是我男友，這不就等於直接叫海欣放心結婚？