【少甜，非甜故】為左變性，我唯有做雞。: 第四章 醉 (2)
「我尋日見完醫生。」
「我知，你話驚後悔吖嘛？」
「我而家已經有決定啦，我尋晩見完海欣。」
「哦…」梅姨一副恍然大悟的樣子。「咁你既決定係啲咩？」
「尋日醫生問我開始食荷爾蒙好唔好，我本來仲有啲猶疑不決，但見完海欣之後，我覺得只有我先可以救到佢。
「恩兒，你覺得變左性之後你地就會一齊返？」
「我唔肯定，但如果唔咁做既話，就一定無機會。」我把酒杯遞給梅姨，示意她再給倒我一杯。
「之前我教你講大話，呃醫生話你有性別認同問題，係因為我覺得你好堅定，為左海欣可以義無反顧地變性，但係而家好似多左猶疑，你真係諗清楚？」
「如果我唔咁做，仲有其他方法咩？」
「梅姨我都係講下自己既諗法，諗深一層，其實我都無資格係到囉囉嗦嗦，我只不過係一個無勇氣既懦夫。」
「梅姨……我唔係話你囉嗦呀，我一直都好尊重你架…」梅姨是我最敬重的女人，一直都是。
「想當年我只不過係一個社工仔，仲未係同志組織既發言人……」
梅姨絕對不是長氣的女人，但這件事她一直重提，一定是因為她耿耿於懷。