【少甜，非甜故】為左變性，我唯有做雞。: 第三章 海 (3)
「喂，上次唔好意思呀。」我放下手中的籃球向她招手。
「傻啦，都唔關你事。」上次沒看清楚她的臉，這次總算可以了。
「喂我叫林恩兒呀，可以叫我呀兒或者Bikini。」我跑到觀眾席邀她一起坐下。
「Hello我係張海欣Michelle，等等，咩比堅尼話？」
「Bikini Lam呀。」
「你個英文名都幾特別啵？」
「林寶堅尼呀，你無聽過咩？」
「哈哈哈哈！」Michelle的大笑讓我們頓時成為全場焦點。
「你係真心定假笑架？」
「我真心架。乜我似會講大話既人咩？」天真無邪的雙眼讓我觸電了。
你說得沒錯，你從來都不懂說謊。海欣就像下凡的天使，而我是披上人皮的惡魔。
「唔該司機。」我從的士司機手中接過零錢。
熟悉的街燈，熟悉的影子，熟悉的味道。