【少甜，非甜故】為左變性，我唯有做雞。: 第一章 夜 (9)

其實首次見面時我就隱約猜到王偉明不是普通的醫生。

那時他穿著量身定制的天藍色西服，配以白雲般純潔的襯衫，再佩戴一塊小方絲巾，映襯出無限充滿活力。

不說話的時候一副冷漠的模樣，交談時不經意展露出魅力無邊的笑容，如果我不是對男性沒有興趣，可能也會就此被他俘虜。 

可我萬萬想不到這非典型醫生，不止好煙又好酒，還是個好色之徒，一有空便會到中上環的酒吧覓食。

不過也全賴他有這個習慣，才會在深夜的小巷裡進行活塞運動，因而碰巧聽到我的呼叫。



「所以你就咁Dum低左個女仔？」

「係呀，鬼叫我聽到另一個靚女既呼喚呢？」

「你唔好再調戲我啦。」

其實我還挺感激他連褲子都不穿就趕來救我。

「我知道你一定唔會鍾意我既。」他咬著香煙說道。



「你岩岩應承左我要幫我保守秘密架。」我沒好氣地答道。

「就算你唔色誘我，我都唔會踢爆你。今晚，你無見到我既巨龍，我都無見到你著女裝。我地當今晚既事沒有發生過，咁樣可以啦掛？」

「唔得。」

「咁都唔得？」

「你果條點睇都只不過係小蟲，嘿嘿。」我想起剛剛尷尬的場面。



「唓，小蟲發係威上黎都可以好兇猛架。好啦好啦，就當你無見過我既小蟲，我都無見過你妸娜多姿既美麗身段，咁得未？」他忽然賣起口乖。

「都係唔得。」我再度搖頭。

「今次又點解呢？」

「因為你救左我，所以我欠你一個人情。」我認真地回答。

「好啦，咁記得要準時覆診。你既事留返果時再同我講清楚啦？」他笑道。

「一月十五號，我記得既。」

王醫生把煙頭拋在地上，用人字拖輕輕地踏了一下。

「我要走啦，不過臨走前我有一個疑問想搞清楚。」



「你問啦。」病人本來就有義務向醫生交代。

「你應該仲係想做變性手術架可？」

「當然。」

我毫不猶疑地答道，可能是因為口中的並不是事後煙吧。