[倫理甜故] 豆沙妹延續篇之呀妹唔係我個妹: 第一章

故事緊接 


(按上圖回到第一部份 - 那些年錯過的大乳之校花豆沙妹)


第二部份 - 豆沙妹延續篇之呀妹唔係我個妹






同豆沙妹拖住手響街度行左一陣之後, 我正想同佢開始上我屋企度嘅時候, 我個電話響起, 係呀妹子妮打電話黎比我, 「哥呀, 我買左好多野呀, 而家我響屋企附近果間 759度, 你可唔可以過黎幫吓我手攞野呀?」
 
聽到呀妹佢咁講, 呢個時候, 我就諗起左萬子良果句名句, 阻人咩野燒春……, 但唔 happy 還唔 happy, 我知道就算佢唔要我去幫手, 佢買完野一陣都係會番上去屋企度, 咁到時我同豆沙妹嘅好事亦一樣係會比佢撞破嘅。
 
事到如今, 我就唯有拖住豆沙妹急速轉軚再向住子妮等緊我嘅方向行去, 去到屋企隔兩個街口嘅 759 度, 我頂, 遠望見身邊一袋二袋嘅子妮正響街度俯身初緊隻小腿, 但佢條褸屌….都係唔好咁形容個呀妹, 但佢條短到短無可短嘅短裙後面, 正露住條白色底褲咁響大街大巷處派緊冰淇淋。
 
啲呀叔呀伯西裝友地盤佬無一唔企哂響子妮身後正在駐足細看, 我大聲嗌住子妮, 子妮即時企番直個身咁望住我同豆沙妹, 我再厲眼一啤, 群眾即時就化作鳥獸散, 好快, 呢兩個當代同現代嘅校花終於都正式見面碰頭嘞。
 
「呀哥, 佢係……?」


 
豆沙妹笑住伸出隻手, 「妹妹, 我係妳哥哥嘅中學同學….」
 
子妮雙眼無神咁望住我地講, 「但妳地係拖住手過喎!」



我聞倒有啲 “火羅” 味, 「子妮, 妳做咩又試買咁多野呀? 屋企就黎要變成士多架嘞, 唉, 好嘞, 攞左啲野番屋企先至講啦, 仲有呀, 下次唔該妳唔好再著呢條裙啦, 條街有好多咸豬眼架, 妳唔好成日都要呀哥擔心妳先得架, 一陣…….」
 
豆沙妹已經瞬間轉移到子妮身邊, 「喂子妮, 其實條裙都著得妳幾好睇吖, 咦, 妳塊面啲皮膚好似有啲乾咁, 不如姐姐一陣比支 cream 妳試吓搽吖…..」


 
子妮正打量住豆沙妹, 「妳係唔係同我呀哥拍緊拖架?」
 
豆沙妹笑住咁答, 「哦, 我地都係啱啱先至開始左無耐啫, 呀, 妳就叫我做豆沙妹姐姐就得架嘞!」
 
子妮望住豆沙妹個胸, 跟住就有啲不屑咁同我講, 「哥, 我番上樓先嘞, 啲野你就幫我拎番上去啦!」 講完子妮就自己轉身行住去屋企嘅方向。
 
豆沙妹望住我, 「喂, 你個妹好似唔係咁鍾意你拍拖咁嘅!」
 
我有啲無奈咁講, 「唉…., 果然真係會咁樣, 唉……, 妳知唔知呀, 子妮個傻妹不嬲都話第時係要嫁比我喎!」
 
豆沙妹聽到一頭霧水咁, 「吓, 咁你地兩兄妹以前搞過啲咩呀?」
 
我繼續無奈地講, 「咪亂諗野啦, 不過唔怕坦白同妳講, 子妮佢其實唔係我親呀妹黎架!」
 


豆沙妹碌大雙眼咁比左個問號我, 「吓, 你話子妮佢唔係你個妹?」