【重甜】 我比Ocamp組媽摸到賓周（Patreon已完故）: 第72集 - 出Pool宣言

我同組媽行到去廁所前嘅走廊，組媽即刻同我講：「你諗唔諗住講？」

「……講咩？要點講？」我馬上回應。

我知道自己有d柒，乜都唔識，但組媽仍然保持女神形像：「不如等我講啦咁。」

「……你會點講？」我話。

組媽摸吓我個頭，好似當我係細路仔咁：「放心交俾我啦。」



組媽應該唔係好似當我係細路仔，而係真係當我係細路仔。唉，冇計啦，佢大過我呀嘛。我都只能咁樣安慰自己。

「我……係咪覺得我好廢？」我話。

「都唔係呀……起碼都仲有條JJ可以用。」組媽摸一摸我巨龍。

我即刻本能地縮一縮，因為組媽唔洗用手，佢齋係用佢把極度誘人既聲線講一講挑逗說話，我都即刻比佢搞到硬硬地。

=================================



我同組媽前後腳咁行返去PartyRoom既大廳，我見到組媽攞咗標比較勁嘅shooter一啖飲咗，而我？咪又係係戇居居咁坐喺度睇住。

台上面嘅MC黎哥非常之興奮咁大叫道：「有冇人估到！有冇人提議！有冇人發現！依家就要開估啦拿！！買定離手！！」

估唔到，呢個就係暗o第一個活動。仲真係有提名、有投票、一人一票。喂大佬，其實我唔想黎玩呢d，我只係想同組媽有下場...

「組媽，不如我地..」我想叫組媽趁住出面仲提緊名，同我一齊借尿循。始終黎得呢度，重點都係組媽。

「唔好再叫我做組媽。」組媽話。「叫Niki。」



組媽好留心咁睇緊台上面既提名，睇黎都好想知道我地既姦..呀唔係，戀情有無比人發現。

「Niki..」我叫得好唔慣。

「噓。」Niki話。「我地一齊睇人投票。」

組媽果然係組媽，已經做定心理準備比所有人知，而我就仲係小毒毒。

投票過程雖然悶，但有幾對人已經被人識破左係有拍拖。的確，呢個hall o 真係造就左幾對情侶。而最估唔到既就係...黎，哥！！

「冇錯啦，跟住落嚟最後嘅係黎哥同埋……Grace！」黎哥自己大叫。

全場歡呼，睇嚟黎哥嘅人氣都真係幾高。講緊果個Grace，就係同我地同組果個幾靚既女女，波唔算好大果個。估唔到，黎哥係食組女既....

「獸父！獸父！」全場大叫。



當然啦，所有男仔都係要被面對一項最嚴重既懲罰—Happy corner。

以防大觀眾唔知Happy corner係乜，我就簡單描述下。就係幾個男人捉住被害者既手腳拎起，然後擘開被害者既脾，向住任何一個角落撞落去！務求巨龍背囊受損。呢個懲罰多數用黎罰莊員或者組爸既。

「喂..！最多請大家食糖水呀喂...！！」組爸既最後悲鳴。

之但係，我同Niki係完全冇人懷疑。

「咪住！」喺一片歡呼聲之中，同埋大笑聲之中，傳來女神組媽Niki激動嘅叫聲，真係好少聽到Niki會咁激動。黎哥好明顯都比呢一下嚇親，於是佢話：「做咩？係咪想搶新郎？」

Niki搶咗枝咪，真係搶咗咪，喺度講：「我有嘢要宣佈！」

雖然話組媽Niki都真係大家心目中嘅女神，但係佢嘅人氣都係唔夠黎哥咁高，大家對呢個情況都冇話好似頭先咁墟冚。



「喂組媽有嘢要宣佈！」狗公西佬話：「唔通係公開表白？」

我諗其實都差唔多。

「我宣布」。女神表示。「我都出Pool呀！」

仆街了，惡夢即將開始。


（原圖在Patreon）