【重甜】 我比Ocamp組媽摸到賓周（Patreon已完故）: 第70集 - 暗o(續)

我弱小嘅心靈馬上受到極度強大嘅衝擊，幸福來得太突然，我仲諗住自己一個毒撚完全唔會配得起組媽呢個咁靚嘅女仔。

「我……係咪可以拖你隻手？」我講到口窒窒。

「傻仔。」組媽講完就自己行快咗兩步。

下？

我望住組媽既背影，諗緊：頭先組媽係咪玩我？係咪我做錯啲咩？我係咪應該追上去？佢搞到我好亂呀！



各位網友我應該點算好？

「組媽唔好走住，唔好行咁快，等埋。」我係組媽後面話。

「我咪話咗唔好叫我做組媽。」組媽話。「我唔會鍾意自己男朋友叫自己做組媽。」

「吓？咁即係…… ……」我手都震埋。呢一刻嘅我喺度諗緊，組媽係咪已經有一個男朋友（不是我）因為唔叫佢個英文名搞到佢嬲咗？呢單野，真係諗起都覺得自己戇鳩。

「好蠢呀你真係。」組媽伸左隻手出嚟俾我，就好似迪士尼啲公主咁。「係咪想拖我？」



「……係嘅。」我開始戰戰兢兢，個心幾緊張又驚恐。

「你講得咁勉強，咁我就……只係俾你拖今晚。」組媽表示。

係咪即係表示我已經成功得米？

我本來仲擔心緊，一入到去party room點樣同大家介紹組媽？已經做咗女朋友既組媽，應該點講先好？我緊張到手心冒汗，組媽就比較冷靜，係咁同我講：「唔使緊張，陣間我會幫手同大家宣佈。」

「拍拖都要女朋友幫我宣布，我是否太廢。」我好慚愧。



「第一次拍拖係咁㗎啦。」組媽回答。「定係你想同我地下情，唔同大家宣佈？仲有機會可以返轉頭㗎喎。」

「你想呢？」我問佢。

「……咁我都係我決定啦。」做嗎回覆。

去到party House，果然我哋係早左到嘅，會場仲有隔離組嘅靚仔組爸阿龍，但係我哋個組爸黎哥就真係連影都冇。我幫組媽將佢既聖誕禮物放上去檯面。

「喂阿龍，黎哥呢？」祖瑪即刻問隔離組個組爸阿龍。

「唔知喎，頭先佢話要去屙屎。」阿龍回應。

果然呢個黎哥，去到邊都話要屙屎。

阿龍雖然好奇咁望住我同做嗎，但係又冇講啲咩，繼續準備陣間嘅活動。睇嚟佢今晚係MC。個Party Room好大，可能組媽其實都冇咩做，只係攞咗杯嘢飲，我同組媽坐喺梳化度，兩個人傾吓偈。如果話要成班人玩活動同埋兩個人傾吓偈，我比較鍾意後者多啲。始終我係一個毒撚，唔係太識得同人地社交。



「我都係喎。」組媽對我嘅睇法表示認同。「我都唔鍾意同人地Social，放假通常喺屋企睇書或者煲劇好過。」

「……點會呀，你咁多朋友同埋活動。」我完全唔覺得組媽係真係同我一樣，係鍾意宅喺屋企嘅人囉好無。

「真㗎，活動都係朋友叫我一齊玩，不過我會同人打麻雀。呢個應該係唯一鐘意social既地方。」組媽講到打麻雀就好似好興奮咁。

「哈哈，我唔識打麻雀。」我繼續飲我杯可樂。

「點可能㗎 ？香港人點會唔識打麻雀？」組媽驚訝嘅樣子我都係第一次見，但係都係好靚。

「真心唔識。」我話。梗係啦，打麻雀呢啲要四個人嘅社交活動嗰啲點會識呀？我有時間都喺屋企砌模型啦。

傾傾吓偈，已經到咗8:00 ，兩組嘅組爸媽都開始到齊，於是乎MC阿龍開始講一講呢兩日嘅活動。



阿龍：「雖然話呢一個係私人Ocamp，但係大家當係一個小ReU就OK，唔使太緊張，亦都唔使當係學校活動一樣，隨心玩就OK，呢度冇校規冇任何規矩。」

黎哥突然之間搶咪：「嗱呢度呢，有酒飲，所以我哋今日嘅活動，就係食嘢飲酒瞓覺屙屎起身食嘢飲酒瞓覺！有啲咩活動嘅，飲咗杯酒先講。」

雖然呢個開場好似好歡樂咁，但我夠膽講，呢個係我人生入面覺得生命最有威脅既經歷。