【重甜】 我比Ocamp組媽摸到賓周（Patreon已完故）: 第66集 - 傷心
呀哥呢個賤人真係對得我住。我未上樓已經聽到有女人聲！條友唔閂房門！！上次睇AV又係咁。
「你真係好靚女，唔著衫仲靚
。」我聽到呀哥把聲話。我偷偷地望入去呀哥個房，發現有個女仔企左係度比呀哥摸手摸腳。
果然！佢識左女朋友！！
雖然我頭先已經諗過有呢個可能性，但估唔到呀哥真係咁快會識到女朋友。點解...唔話比我知先？明明我地係兩兄妹嘛..
「痴線..」個女仔笑得好開心。「你真係未拍過拖架？」
「你係第一個
。」呀哥講完，然後兩個人又開始發出淫賤既聲音。呃人，明明第一個拍拖對像係我。就算係假拍拖都應該計我先
。「狗男女
。」我行返自己房，大大力拍埋道門。===========================
「貪新忘舊，正一垃圾仔。」我左手上既MELODY
公仔話。「係呀，係呀。」右手既KERORO公仔
都同意。「明明應承左同人一齊，講過唔算數。」「...」MELODY
沉默左一陣。「呀哥好似無應承過任何野喎。」「係喎...
」我自言自語。其實只係我一廂情願覺得呀哥會一直同我有住不可告人既關係？定還是...「我鐘意左佢
。」我得出左個結論。唔會既，唔會既！我無可能鐘意左自己呀哥！點會鐘意左親人呀...
『但你地根本無血緣關係架喎...』腦中響起邪惡既聲音。『你絕對可以無視繼父個仔呢個身份，然後同呀哥表白。』
「痴線
。」我開始覺得自己思覺失調。我絕對唔會鐘意呀哥呢個無用鬼，只係好唔鐘意比人搶走左野既感覺。然後，我決定今晚都係死死地氣走返hall過夜算。