【重甜】 我比Ocamp組媽摸到賓周（Patreon已完故）: 第20集 - JM9
迫人講真話既遊戲其實幾好玩
，起碼可以對呢班人更加熟悉。局外人可能覺得悶，所以我就好快咁記一記大家有咩秘密。呢D秘密全部都係true or true度問返黎，唔好問點解會問呢d野，要問就問最八掛果個Grace
。西佬，拍拖次數3，OBA。今朝有打過飛機。已經講明自己鐘意組媽。
Ivan，佢聲稱自己跟過大佬，可信度30%。似鳩吹。
啟東，有個拍左拖兩年既女朋友，係隔離組。（睇黎唔洗擔心佢會食組媽。）
肥康，聲稱自己有好多生意，仲叫過雞。
Angel，話自己拍過五次拖喎
Helen，湖北妹，話自己未拍過拖。仲話湖北D普通話其實唔會捲利，叫我地咪撚學北京腔，好柒。但其實無乜人想知。
Ada，A1，有拍緊拖。同埋佢原來有玩健美比賽，女仔都成62kg。
Grace，A3，已經有鐘意既人係呢個ocamp入面。
Jason，處男，我既秘密就係....J左組媽。
「哇！你真係J左組媽呀
？？」Ada話。Grace奸笑：「鬼信你咩，Ocamp緊點J呀
？」你真係太睇少男人既打J能力喇Grace
。「咦！！好嘔心呀！！」肥婆Angel話。
唉，只怪我一時興奮講多左。不過唔緊要呀就係想你唔鐘意我。
「其實我覺得係男仔都會想J組媽囉..」Angel話。「佢咁姣。正一姣婆
。」我一聽之下大怨：「咩姣呀？幾時有姣呀
？」西佬同我變得同一陣線。「組媽無發過姣囉
。」啟東：「我都唔認為組媽有發姣，可能只係你主觀意見
。」Helen都話：「我覺得組媽幾好呀
。」「仲有呀，梗係J組媽啦唔通J你咩
！」西佬話。哈哈哈哈講出心底話。
然後，Angel嬲鳩左全組。
「唔好嬲啦Angel...」肥康想氹返Angel。喂，你氹個肥婆做乜鳩呀...