【重甜】 我比Ocamp組媽摸到賓周（Patreon已完故）: 第10集 - 組媽有危險了！

係地鐵度，我地十鳩幾條友圍威喂係度大聽笑。

「哈哈，因為我尋晚太興奮，所以無乜點訓過...   」組媽Niki反應明顯慢兩拍，食完Lunch，飯氣攻心就更加明顯。

「喂搞錯呀！點做組媽架？   」黎哥打左Niki一下。「你都訓，班仔都訓架喇。」

「唔好話組媽啦  ！！」係呢個時間走出黎護花既，都係得西佬一個架姐。「組媽都係因為要帶我地所以太興奮訓唔到姐！點可以怪組媽架！」

睇黎企左係組媽隔離興奮果個，係西佬你喎   。



「喂行啦！轉車！！」OC黑文話。

介紹下先，Ocamp入面既工作人員叫做OC，即係Organizing Committee。即係ocamp入面既阿四，set場呀睇task呀乜都係佢地做，而且無乜地位。OC通常係fd搭fd幫下義氣手，而主動想做OC既人，有機會都係同獸父一樣——食女freshman。

黑文係一個黑黑地眼大大既男人，叫做幾靚仔啦，不過有個同佢唔係好夾既大肚腩。年紀都近30歲既阿叔黎。

「搞錯呀，點解唔係組爸提呀？要OC提呀？」我地組一個戴耳環既憤青Ivan話。

「哈！」黎哥冷笑一聲。「你估組爸黎做野架咩？組爸黎玩架嘛  ！！」



組媽Niki已經準備行：「行啦仲笑！」

「呀組媽呀...」黑文叫住左Niki。「我地行埋一邊傾少少野先..」

OC黑文懶好人咁，唔通佢都對組媽有意思？？  

轉車站鳥！！呢個轉車站路程都幾遠，cityhunt又計時，所以係要跑的。首當其衝一定係黑鬼組爸，佢狂係度大叫住咁跑，成隻動物園黑猩猩咁。唉希望途人唔好拍片   。

跑呀！！好在上到車唔洗等下班！！咦...咪住...



「組媽呢？！」西佬第一個發現。

「後面掛，唔好理佢啦d女人麻鬼煩既。」黎哥撩住鼻屎話。

「唔得喎！」靚女Grace雖然靚不過把聲沙沙地。Grace指住份cityhunt guideline「呢度話要成組到達先會計分喎 。」

「咁撚大獲... ？」組爸個驚訝樣都係咁撚好笑。

「咇咇咇咇咇咇咇咇咇咇咇--請勿靠近車門-」地鐵道門準備閂埋。

唔得，我一定要...組媽佢又靚..又pure..又true...又大波  又大羅..雖然咁硬要數佢缺點既話...咁硬都可以話佢有時會面青口唇白...但佢真係一個好組媽！！

我趁未閂埋門，跳左出去！！我決定要等埋組媽！！