[人格分裂]我入咗伊利沙伯中學: 社工vs學生會

今日 ,我又畀人的咗去見社工
都已經入埋醫院㗎啦,你有啲乜嘢係等醫院嗰邊搵高壓電電我個腦 囉使乜見社工㗎
"我都知道你最近呢加入咗一個學生會嘅組織叫做評議會喎 ,我亦都知道你入咗呢一個組織之後, 都有一啲嘅動議喎 ，或者你都有好多問題想了解返關於學生會㗎喎， 係咪呢 ？會唔會都有啲 ,關於學生會財政方面嘅嘢 ,係評議會會去到處理㗎喎, 你會唔會都想同姑娘分享一下,你入咗學生會之後, 提出過啲乜嘢議案或者係做過啲乜嘢 行動咁嘅呢 ？"
"都冇咩特別喎 "
"咁好啦姑娘而家有一啲牌, 或者你睇下跟住就話番畀姑娘知你係入面有冇覺得邊一張牌 ,係最可以代表到你而家嘅諗法㗎啦 "
之後我就攞住20張好似巫婆占卜嘅牌 ，逐張攞嚟睇， 有月亮，又樹 ，十足十halloween啲氣氛
" 睇完之後有冇覺得邊一張牌, 係最可以代表到你哋而家嘅諗法嘅呢 ?"
"冇呀 "
呢D牌擺明攞嚟讀心㗎啦，你當我傻㗎咩，小學生都唔會中計啦
" 或者你再睇下,頭先你有幾張牌, 都好花時間去睇喎"




我花時間去睇，係想睇下嗰幾張牌象徵著啲乜嘢諗法呀 ，你唔係諗住我真係有認真去諗呀嘛