[人格分裂]我入咗伊利沙伯中學: We are still alive

睇到呢度相信大家都估到 ,見家長就緊係唔係淨係見家長啦 ,點都會預埋我一份 ,明知自己嘅死期就嚟來臨, 至少可以唔使親眼目睹自己嘅死都係一種福氣 ,更何況, 如果畀佢捉埋一齊見, 佢肯定會問我好難答嘅問題, 到時 ,真係仲慘過凌遲處死
我同我自己講,我唔可以死我一定唔可以死, 只要今日佢搵唔到我,通知唔到我,咁我咪唔使死囉
最尾嗰兩堂先至係英文堂,要死都應該係最尾嗰兩堂死, 呢個時候 ,我諗起太陽末日入面嘅一句對白 ,we are still alive ,只要一日仲未死一日都有希望
到咗最尾兩堂英文堂 ,呢一堂英文堂做說話, 首先就係預備說話嘅內容,跟住就係小組討論 ,如果要死嘅話應該會係預備嘅時間死 ,討論緊嗰時佢要留意聽啲人討論㗎嘛
每次佢經過我個位 ，我個心都會跳出嚟 ，我擺到個頭好低， 扮好專心咁樣喺度準備 ，結果 ，佢經過咗三次都冇通知我要見家長， 到咗放學啦 ，佢竟然仲未通知我 ，我真係好期待可以出課室嗰一刻
" goodbye class "
take your marks
"goodbye and thank you miss chan "
set
我捧起預先擺定喺枱底嘅嗰疊書同埋一早執定嘅書包




GO!
(事關我嗰時 每一日都會將全部書就係covered playground嘅locker搬去課室放學就搬返去cover playground )
我唔使死啦我唔使死啦我唔使死喇 …
背脊孭住一個15公斤嘅書包, 手捧著一堆15公斤嘅書 我以每小時六公里嘅極限速度衝向covered playground， 我唔敢拎轉面，
最後50米
全力衝刺
剩返最後20米
我就嚟頂唔順， 唔得一定要捱埋佢
衝線 !
我用我成世人最快嘅速度 ，扭開locker鎖將啲書塞曬落去， 再跑落去更衣室嘅厠格入面




成功達陣!