[人格分裂]我入咗伊利沙伯中學: 道德

對於當時嘅我嚟講 ，道德觀念其實係多餘嘅， 只要唔使死就係王道 ，生存，係最大嘅希望
只要冇麻煩纏身 ，就已經係最大嘅福氣， 我冇諗過乜嘢係娛樂 ，乜野係追求 ，唯一嘅娛樂就係睇戲同埋打機，並冇其他
生活只不過係一個監獄， 每一個人 ，照住既定嘅程序去生活 ，我唔知自己喺監獄入面生活， 更加冇諗過要逃離監獄
對於我嚟講 ，返學嘅生活， 只不過係一齣戲， 只要唔使見家長，即係影響唔到我喺屋企嘅生活 ，無論發生幾大件事，我都唔會介意