愛在香港,食在英國: 第十九章
喱幾日埋頭苦幹緊一篇關於Finance嘅文,晚晚睇reference同寫,少咗出故唔好意思
![](http://forum14.hkgolden.com/faces/adore.gif)
keep住有追嘅看倌真係多謝晒!
所謂「語不驚人誓不休」(杜甫,761),「做功課就咪咁鳩」(王儒懿,2014),
篇文一邊寫一邊改,每晚先完成得三百字左右
![](http://forum14.hkgolden.com/faces/clown.gif)
上回講到買褸。
果次幫佢揀褸真係揀咗好撚耐,屌,揀褸又唔係揀樓,駛唔駛搞咁耐
![](http://forum14.hkgolden.com/faces/clown.gif)
最尾買咗件白色羽絨個領有啲毛毛咁嘅褸,認真幾好睇
![](http://forum14.hkgolden.com/faces/clown.gif)
買完之後又兜咗陣,行行下去咗睇玩具
![](http://forum14.hkgolden.com/faces/clown.gif)
我拉咗Jenny去睇高達模型,是關我小學已經砌MG
![](http://forum14.hkgolden.com/faces/agree.gif)
PG冇砌過因為太貴,細個心諗大個有錢就買PG砌,到大個有閒錢果陣就冇時間同心機
![](http://forum5.hkgolden.com/faces/frown.gif)
屋企仲有set冇郁過珍藏版一套八盒一年戰爭嘅聯邦軍同自護軍戰艦
![](http://forum14.hkgolden.com/faces/agree.gif)
雖然以前想砌隻木馬號,但如果砌咗一架又唔砌埋其他,感覺好似葵花寶典唔見咗幾頁咁,變成殘本。
Jenny:「你有玩高達架咩?」
我:「答你之前我要糾正你,高達唔係玩
![](http://forum14.hkgolden.com/faces/no.gif)
![](http://forum14.hkgolden.com/faces/slick.gif)
「亂up廿四
![](http://forum14.hkgolden.com/faces/smile.gif)
「嗱,細路,阿叔教精你點分。」
我指一指隻RX-78-2:「喱隻叫元祖高達,係咪型先?揸佢個人叫阿寶,好慘,成日要出動,有次唔想出動畀艦長諾亞兜巴星鳩佢。」
Jenny:「諾亞?邊個黎?聖經果個?」
我:「唔係聖經果個呀
![](http://forum14.hkgolden.com/faces/no.gif)
「你講乜,冇句聽得明
![](http://forum14.hkgolden.com/faces/sosad.gif)
「你聽得明嘅話冇男仔要架啦,聽唔明係好事黎。」
再兜咗陣又到午飯時間。年少真好,食完玩,玩完食。
我:「不如食日本野?」
Jenny:「你唔係平時嫌我食得太多日本野架咩?
![](http://forum14.hkgolden.com/faces/smile.gif)
「我想食得唔得先
![](http://forum14.hkgolden.com/faces/clown.gif)
「得得得,去某間食拉麵好冇?
![](http://forum14.hkgolden.com/faces/smile.gif)
「你話事得喇日本美食達人
![](http://forum14.hkgolden.com/faces/adore.gif)
老規矩,飛食野情節。
滿足咗五臟廟之後,我同Jenny講:「不如返一返去擺低你件戰利品先?雖然話約咗佢地食完癲拿再倒數,不過都仲有唔少時間,好難捱
![](http://forum14.hkgolden.com/faces/clown.gif)
Jenny:「哦好呀,返一返去擺低野先囉
![](http://forum14.hkgolden.com/faces/smile.gif)
之後就搭返車上Jenny屋企。
Appendix
Fu T. (761), Translate server error. Retrieved from http://www.google.com
Yu Yi W. (2014), Love in HK Eat in UK. Shikoto. Retrieved from http://www.shikoto.com
All rights reserved