愛在香港，食在英國: 第十五章
【對唔住咁多位
，今個星期突然好忙，而家到週末清晒啲野，加碼加速
，補返之前幾日欠各位嘅故】上回講到買筆呀咁多位看倌
搞掂咗Jenny買畀佢老豆份禮物之後都唔晏，其實都花咗唔少時間
，之後再去周圍鳩行，又夠鐘食癲拿。Jenny：「我肚餓喇，快啲去食飯
」我：「我估你都係想食果味架啦，去食女優國菜啦晏晝冇食
」Jenny：「醒目
，咁叻仔姐姐送個凍柑畀你食」佢一手拍落我塊面度，我一野彈開：「我份人唔鍾意欠人野，還你雙倍
」，之後我左右開弓拍落去（唔係啪
）Jenny：「行啦傻仔，我真係肚餓
」食癲拿果啲冇乜野好講，都係鳩up傾下計，
就咁就過咗放聖誕假前嘅最後一日，第二日開始爽皮，連放兩個星期假。
所謂「假日之計在於晨，平日之計在於午」，我放親假都好撚早起身，因為覺得瞓咗佢好似好晒
第二日九點鐘準時校鬧鐘彈起身食早餐。香港啲早餐真係好撚正，凍茶多奶少冰火腿通（或沙嗲牛或雪菜米或……）
，有時又可以去一盅兩件。英倫真係劣食之國
，鬼佬可以忍到朝早食麥皮晏晝食三文治加薯片（所謂嘅Meal deal）就算係英式早餐都係蛋腸（煙肉）菇豆包
根本逼鳩我喱種食慣好野嘅香港人學廚
落去茶記食完早餐，返歸打機打到十點幾咁上下，阿永call我：「喂老友去唔去XXX屋企
，佢開牌局同機局。」放假冇野做（其實要溫書，不過校內考試算鳩數啦，大家心照），梗係狗衝去
我答阿永：「得，十一點半XX站等。」
上到XXX屋企我狗衝去打牌先，事關我真係幾鍾意同幾勁打牌
，話就話會賭錢，但次次打完（多數我贏）大家都算數。果陣上佢度嘅都唔少人，想打牌就等換出銃果個，是關我食咗幾局又唔出銃就自薦去打機
一班人打機最鍾意開PES/FIFA，我果陣廢到仆街嘅玩足球game
，最撚憎人入咗我波仲要睇慢鏡，屌 
。再玩多陣成班友就落咗去食晏，不如飛咗喱節佢啦，食飯情節講到臭。
返到上去我睇人玩，一路睇一路同肥狼吹水：「喂平安夜出唔出去
」肥狼：「我出呀，你問埋佢地。」
基本上全部人放假都變閒人，個個都話出
以前約人出去就係咁直接同簡單，而家約幾個出去都要慢慢就時間，莫講話約一大班人。